Tras quedar eliminados en oitavos hai 4 anos e gañar o Mundial hai 12, é momento de que a Selección vilva a facer historia e os seus primeiros 45 minutos de Mundial son envidiables: no minuto 11 Dani Olmo marcaba o primeiro gol, 10 minutos despois Marco Asensio anotou o segundo e, no minuto 31, Ferrán Torres marcou o terceiro de penalti.
Unha primeira parte de España que contrasta considerablemente coa de Costa Rica, que apenas se achegou á portería que defende Unai Simón.
Actualmente, España é a líder virtual do grupo E, no que Xapón dou a sorpresa ao gañarlle a Alemaña 1-2.
Dous misís caíron esta tarde en territorio polaco, na localidade de Przewodow, que se atopa pegada á fronteira con Ucraína. A causa deste suceso morreron dúas persoas. O Goberno polaco reuniuse de emerxencia e elevou o nivel de alerta militar na fronteira con Ucraína e valora recurrir ao artigo 4 da OTAN, que abre consultas entre aliados. Sospéitase que os misís eran rusos, pero o Pentágono non o confirma, pero si que lanzaron un aviso: “Cando se trata dos nosos compromisos coa seguridade e o artigo 5, fomos cristalinos: defenderemos cada centímetro do territorio da OTAN”. Rusia, pola súa parte negou que os misís foran seus, segundo eles nas fotografías non hai indicios que foran deles, e acusou a Polonia de “provocar unha escalada no conflito”.
Entre algunha das teorías sobre estes misís atópanse un ataque intencionado de Rusia ou que sexan misís derribados por Ucraína.
Artigo 5 da OTAN
“As Partes acordan que un ataque armado contra unha ou máis delas, que teña lugar en Europa ou en América do Norte, será considerado como un ataque dirixido contra todas elas, e en consecuencia, acordan que se tal ataque se produce, cada unha delas, en ecercicio do dereito de lexítima defensa individual ou colectiva recoñecido polo artigo 51 da Carta das Nacións Unidas, axudará á Parte ou Partes atacadas, adoptando seguidamente, de forma individual e de acordo coas outras Partes, as medidas que xuzgue necesarias, incluso o emprego da forza armada, para restablecer a seguridade na zona do Atlántico Norte. Calquera ataque armado desta natureza e todas as medidas adoptadas en consecuencia serán inmediatamente postas en coñecemento do Consello de Seguridade. Estas medidas cesarán cando o Consello de Seguridade tome as disposicións necesarias para restablecer e manter a paz e seguridades internacionais”
Tras unha semana de reunións con 41 propietarios de fincas, o Concello desvelou que o desarrollo da Avenida de América tirará abaixo 4 vivendas (2 delas habitadas). Por iso, a última reunión de onte foi cos propietarios das vivendas.
As vivendas atópanse no Camiño da Caldesiña (o camiño que vai entre a rúa Antón Losada Diéguez e o Cruceiro). No marxe esquerdo da rúa hai unha casa de pedra habitada e, no dereito, hai 3 vivendas (1 alugada e 2 deshabitadas). As 4 edificacións serán derrubadas para a construción dun vial que comezará no Cruceiro e para o que tamén haberá que derrubar parte dun muro de pedra para dirixirse á Travesía de América.
Gonzalo Louzao, edil de urbanismo, explicou aos propietarios que o valor das súas vivendas determinaráse en función do valor de construción actual e o seu estado de conservación (o que faría unha inmobiliaria para vender a vivenda). Louzao explicou que non hai maneira posible de manter ditas edificacións no proxecto e que o derrubamento vén marcado xa polo Plan Xeral de Ordenación Municipal (PXOM). Xa no PXOM se prohibira a comstrución de novas vivendas na zona.
Tampouco serán as únicas perdas de terreo neste proxecto, pois os propietarios de edificios que teñen fachada na Avenida de América perderán prácticamente por completo a finca traseira que teñen.
Así será o desarrollo da Avenida de América
Plano do desarrollo
O desarrollo da Avenida de América será o segundo desarrollo baixo o amparo do PXOM e o primeiro de promoción pública (o outro, o da Avenida de Pontevedra, é de promoción privada). O proxecto xa vai con anos de demora.
Nel, ampliaránse as rúas Forcarei e Cerdedo (a do Mister Pizza e a paralela), completaránse a rúa Bernardo Rodríguez e a 2ª Travesía de América e haberá un vial de servizo por detrás das vivendas traseiras da Avenida de América. Tamén se proxecta unha alameda de 15 metros de ancho, zonas para edificar con 3 plantas e baixo cuberta e, no terreo que se ía empregar para a construción do novo centro de saúde (finalmente construído na Baiuca), poderíase crear un parque mantendo a área boscosa actual.
Os trámites administrativos durarían entre 3 e 4 anos e, despois, comezaría a comstrución deste proxecto.
Cando se estreou a alameda podíase bromear con que o chan era o lugar perfecto para os graffitis e, agora xa é unha realidade. A última praza do parque amenceu onte cunha declaración de amor a “A”. Unha declaración de amor escrita en negro, para que destaque ben entre tanto branco da alameda.
A esta nova só lle queda engadir unha mensaxe a “A”, pois hai algúen namorado ou namorada del ou dela.
O vindeiro 20 de novembro comeza o Mundial de Qatar co Qatar-Ecuador e hoxe Luis Enrique, seleccionador español, anunciou a lista dos 26 que viaxarán ao país asiático.
1668960000
días
horas minutos segundos
hasta
Mundial de Qatar
O debut dos españois será o mércores 23 ante Costa Rica e, entre as novidades dos convocados, atopamos a Hugo Guillamón, a Yéremi Pino, a Ansu Fati e a Nico Williams.
A lista completa é a seguinte:
Porteiros: Unai Simón, Robert Sánchez e David Raya.
Defensas: Carvajal, Azpilicueta , Eric Garcia, Hugo Guillamón, Laporte, Pau Torres, Jordi Alba e Gayà.
Centrocampistas: Busquets, Rodrigo, Pedri, Gavi, Koke, Marcos Llorente e Carlos Soler.
Dianteiros: Morata, Ferran, Dani Olmo, Nico Williams, Sarabia, Marco Asensio, Yeremy Pino e Ansu Fati.
Como de costume, polémicas
As reaccións á convocatoria non se fixeron agardar e a xente criticou a ausencia de xogadores como Iago Aspas ou Sergio Ramos.
Os días en Portugal teñen nomes diferentes aos empregados en España e outros países europeos. Alí a semana comeza en segunda-feira e continúan ca terça-feira, quarta-feira, quinta-feira e sexta-feira, algo que confunde moito aos seus cidadáns e visitantes, pois non existe a primeira-feira.
“Desde que me mudei a Portugal non sei en que día vivo” asegura un español residente no país luso. Expertos atópanse investigando o feito de que non exista a primeira-feira, pois “das primeiras cousas que nos ensinan nas escolas é que antes do segundo ten que haber algo que sexa o primeiro”.
Pero por que non existe a primeira-feira?
Moitos historiadores atópanse investigando por que non existe a primeira-feira, pero algún xa apunta a que se debería a “algún despistado que non estudou o suficiente”.
Xornal da Estrada 