EEUU alertou da posibilidade dun “ataque inminente” de Irán a Arabia Saudí. O ataque podería realizarse con drons e incluso usalo contra o exército estadounidense.
Autor: O Planeta de Hoxe en Día
-
Un garda civil mata á súa exparella en Bruxelas
Un garda civil asasinou hoxe en Bruxelas á sua exparella, unha enfermeira vallisoletana de 23 anos.
O home desprazouse á capital belga para intentar volver coa súa exparella, que residía nesa cidade. Ante a negativa da muler, matouna, segundo parece, cunha arma branca e, posteriormente, intentou suicidarse tirándose por unha ventá. A vítima chamábase Teresa Rodríguez Llamazares e era filla dun funcionario municipal do Concello de Valladolid, Juan Rodríguez, que se xubilaba este venres, segundo informou o Consistorio.
O Concello de Valladolid convocou un minuto de silencio e o alcalde como o resto da corporación concentráronse na Praza Maior para expresar a súa solidariedade co funcionario municipal e manifestar a repulsa pola morte violenta da súa filla.
-
España campioa da Ballon World Cup 2022
Onte celebrouse a segunda edición da Ballon World Cup, a primeira gran competición internacional de globos.
A victoria levouna o representante español Miguel Imbroda. O malagueño comezou o partido cunha victoria sufrida, e non exenta de polémica, ante Colombia. En cuartos venceu 2-0 a Países Baixos.
Xa nas semifinais gañou 3-2 a Francia, nun partido no que o rival estivo a piques de ser outro por unha falta de respeto do francés ao colexiado.
Na final España impúxose 4-2 a Brasil e a polémica volveu a servirse por algúns golpes do brasileiro. Finalmente, o podio quedou conformado por España en 1ª posición, Brasil en segunda, e Arxentina en terceira.
-
1 morto e 4 feridos nun apuñalamento en Italia, entre eles un futbolista en español
Un italiano apuñalou este xoves a 5 persoas, matando a unha delas e deixando a 3 feridas de gravidade, nun supermercado en Assago, nas aforas de Milán. O implicado foi detido case ao momento, tras ser retido polos presentes, informou a policía. O falecido é o caixeiro do supermercado.
O ataque producíuse aorredor das 18.30h cando un home de 46 anos colleu un coitelo dos estantes dun supermercado Carrefour situado no interior dun centro comercial, e comezou a apuñalar aos presentes, ferindo a 5 dos presentes. Entre os atacados hai 4 homes de 28, 30, 40 e 80 anos e un menor de idade. O caixeiro do supermercado, de 30 anos de idade, faleceu cando era trasladado en helicóptero.
Segundo as primeiras informacións, o agresor tiña problemas mentais e estaba sendo tratado por unha forte depresión. A cadea Carrefour expresou nunha nota “a súa máxima cercanía aos empregados e clientes involucrados no ataque e ás súas familias” e confirmou que rápidamente se avisou á policía. Ademais, a empresa puxo á disposición dos empregados afectados directa ou indirectamente involucrados no incidente.
Segundo fontes próximas ao clube Monza Calcio, tal e como recolleu o diario Corriere della Sera, o futbolista español Pablo Marí, resultou ferido no ataque.
-
Xa se coñecen os participantes do Benidorm Fest 2023
O ano pasado estreouse o Benidorm Fest, un festival creado coa intención de elixir un candidato que nos leve á gloria en Eurovisión. Chanel, non exsenta de polémica, saíu como a opción gañadora e quedou terceira no festival eurovisivo.
Este ano volveráse celebrar o festival e onte RTVE anunciou aos 18 participantes.
Agoney
O artista canario ten unha das voces máis potentes e versátiles do panorama musical español.
E’FEMME
Despois das Tanxus chegan as E’FEMME. Música, voz, rap, danza, visuais, moda… a girlband intentará sorprender coa súa mestura de xéneros.
FUSA NOCTA
É a gran promesa feminina da escena urbana e este verán triunfou nos festivais de toda España.
Blanca Paloma
Cara coñecida do Benidorm Fest, volve presentarse coa intención de volver a chegar á final e esta vez ir a Eurovisión.
Aritz Aren
Comezou a súa carreira artística pero, lonxe de conformarse con iso, decidiu mostrar a súa vocación e talento como cantante.
Rakky Ripper
É unha das pioneiras do hyperpop en España. A súa música transgresora, irreverente e orixinal non deixarán indiferente a ninguén
Alfred García
Quen puidera imaxinar que volver a Alfred García en Eurovisión podería ser real.
Sofía Martín
A súa música está influenciada por unha mestura de ritmos latinoamericanos contemporáneos e ritmos electrónicos.
Alice Wonder
Irrumpiu con forza na escena musical mostrando unha gran madurez artística
Famous
Sabe o que é gañar un concurso, pois foi o gañador de Operación Triunfo. Será o gañador do Benidorm Fest?
Megara
Entre tanto solista haberá algunha banda. Como Megara, mestura de tenebrosidade, chucherías e fucsia.
Vicco
É unha das cantantes da música independente con maior proxección no noso país. É compositora, pianista e produtora musical.
Twin Melody
Para este Benidorm Fest, TikTok vai estar ardendo, pois entre os participantes están as Twin Melody, dúas xemelgas moi famosas na rede social.
José Otero
Formouse nunha das academias máis prestixiosas de Reino Unido e triunfou nun talent musical en México. Agora será o turno de triunfar en España?
Sharonne
É a raíña do Benidorm Fest. Esta drag queen promete traer un gran espectáculo coa súa voz.
Karmento
Podémola definir como a versión en solitario das Tanxugueiras, pois levará a Benidorm os sons folk e a música tradicional.
Siderland
O ano pasado quedaron ás portas de participar no Benidorm Fest, pero este ano conseguírono. Terá éxito a segunda oportunidade?
Este sábado RTVE emitirá en prime time un programa especial coa presentación oficial dos participantes. O programa será conducido polos galegos Julia Varela e Rodrigo Vázquez.
O 31 de xaneiro e o 2 de febreiro realizaránse as semifinais e, o 4 de febreiro, será a final.
-
Armand, a primeira borrasca de alto impacto da tempada de borrascas: como vai ser o tempo mañá?
Armand é a primeira borrasca de alto impacto deste outono. A súa chegada está provocando un descenso das temperaturas no oeste e centro peninsular. A borrasca irá xerando frentes que deixarán chuvias sobre todo no noroeste e interior peninsular.
Mañá xoves a borrasca profundizaráse e achegaráse ao noroeste de Galicia, xerando alí un forte temporal marítimo con moi mala mar. A AEMET ten activos avisos laranxas por ventos de forza 8 e ondas de entre 5 e 6 metros.
Avisos xoves 20 de outubro. Fonte: AEMET O venres a borrasca alonxaráse cara o norte, pero iráse xerando un novo centro de baixas presións ao oeste da Península, sendo unha posible cicloxénese explosiva. Esta situación favorecerá a chegada dun río atmosférico que impactará de cheo no suroeste peninsular, podendo dar lugar a chuvias localmente fortes.
No que respecta a mañá en Galicia, prevense precipitacións xeralizadas con posibilidade de tormentas.
-
5 ANOS DESDE QUE ARDEU GALICIA: Vigo conmemora o aniversario do incendio que afectou aos seus montes
O 15 de outubro de 2017 o lume chegaba a Vigo cidade. Ringleiras de persoas axudaban con caldeiros na extinción das lapas dun incendio que calcinou 600 hectáreas de arboredo.
A mancomunidade de Valadares levaba 30 anos traballando para construir un anel verde de 50 quilómetros. O seu presidente lembra como tivo que desaloxar algunhas persoas que facían fotos no montte aquela noita e logo fuxir correndo das lapas.
No acto conmemorativo estivo o director xeral de ordenación forestal, que dixo ter a man tendida para apoiar a mancomunidade na xestión do monte.
Tamén gabou a xestións dos montes de Vigo, dos que goza moita cidadanía. A representante municipal Uxía Blanco leu un poema de Serrat co que lembrou que sen árbores e sen abellas non haberá mel.
GUÍA BÁSICA PARA ENTENDER OS INCENDIOS FORESTAIS (artigo PHD)
Un venres 13 de outubro no ano 2017 comezaba a última vaga de incendios de importancia. Ao mediodía do domingo 15 había 140 incendios activos (60 máis que a primeira hora). Producíronse cambios brusco do vento por culpa dos restos do furacán Ophelia. Os municipios máis afectados foron os de Pazos de Borbén, As Neves, Salvaterra de Miño, Baiona e Gondomar. O lume chegou á cidade de Vigo, onde os veciños fixeron cadeas humanas para parar os efectos do lume. Ademais houbo que despregar medios para evitar que entraran máis lumes desde Portugal. Na vaga de incendios faleceron 2 persoas en Chandebrito (Nigrán) intentado fuxir das lapas, outra en Vigo e unha última en Carballeda de Avia.
Ler entrada completa -
Trump chamado a declarar: tiña un plan para declarar a súa victoria
O expresidente de Estados Unidos, Donald Trump, e o seu círculo próximo planearon meses antes das eleccións presidenciais de novembro de 2020 rexeitar os resultados e declarar a súa propia victoria, asegurou este xoves o comité lexislativo que investiga o asalto ao Capitolio do 6 de xaneiro de 2021. Por iso tamén aprobaron ao expresidente para que testifique e entregue documentos.
Na novena audiencia pública do comité da Cámara de Representantes, os lexisladores espuxeron probas, como testemuñas gravadas de exfuncionarios e asesores de Trump, así coma correos electrónicos, para probar que a decisión de intentar revocar os resultados dos comicios de novembro de 2020 foi premeditada.
Nesas eleccións gañou Joe Biden e Trump negouse a recoñecer os resultados alegando, sen proba algunha, que Biden cometera fraude electoral.
“Trump tiña un plan premeditado para declarar que as eleccións foron fraudulentas e roubadas antes de coñecer os resultados”
Liz Cheney, congresista republicanaEntre a noite do 4 de novembro e a madrugada do 5 de novembro, Trump ddeclarou a súa victoria sen aínda coñecer os resultados finais, algo xa premeditado. Isto, xunto as denuncias de fraude infundadas por Trump e os seus simpatizantes levaron ao asalto ao Capitolio do 6 de xaneiro, para impedir que se ratificara a victoria de Biden.
Asalto ao Capitolio. 6 de xaneiro de 2021 Lembremos que esta citación xudicial ocorre a menos dun mes para as eleccións de metade de mandato, que se van a celebrar o vindeiro 8 de novembro.
-
Rusia avisa sobre unha posible Terceira Guerra Mundial
Ataque con misís en Ucraína O ingreso de Ucraína na OTAN provocaría a Terceira Guerra Mundial, avisou este xoves Alexandr Venedíktov, subsecretario do Consello de Seguridade de Rusia, ao comentar a solicitude de Kíiv tras a anexión de Rusia de 4 rexións ucraínas.
“Kíiv comprende perfectamente que levará a unha escalada garantizada ata a Terceira Guerra Mundial”, dixo o político ruso nunha entrvista na axencia rusa TASS.
Ademais, onte a OTAN ameazou a aplicación do artigo 5 se Rusia ataca máis obxetivos de Occidente. Este artigo di que ” ataque a un dos membros da organización significa o ataque a todos os seus membros.
Xornal da Estrada 