Servizos

O Mercadiño

Necrolóxicas

Axenda

Outros

Vivenda

As propostas de Luis López Bueno

Autor: O Planeta de Hoxe en Día

  • Xoan Carlos I chegará mañá a Galicia

    Xoan Carlos I chegará mañá a Galicia

    Estará catro días en Sanxenxo e luns reuniráse coa súa familia

    Xoan Carlos I chegará este xoves 19 de maio a Sanxenxo, onde permanecerá ata luns, cando se reunirá con Felipe VI en Madrid, segundo anunciou a Casa Real nun comunicado.

    Tal e como explica Zarzuela, o monarca emérito trasladou esta tarde “o seu desexo de que se faga pública a súa decisión de desprazarse a España a partir de mañá día 19 ata o próximo luns día 23 de maio”.

    “O luns reuniráse coa Súa Maxestade o Rei, coa Súa Maxestade a Raíña Dona Sofía e demais membros da súa familia no Pazo da Zarzuela”

    “Don Xoan Carlos ten previsto permanecer durante estas datas na localidade galega de Sanxenxo, e o luns reuniráse coa Súa Maxestade o Rei, coa Súa Maxestade a Raíña Dona Sofía e demais membros da súa familia no Pazo da Zarzuela”, subliña.

    Ese mesmo luns, Xoan Carlos I “emprenderá a viaxe de regreso” a Abu Dabi, “onde fixou a súa residencia de forma permanente e estable”.

    Esta visita será para “visitar familia e amigos”.

  • Así afectará á Estrada o episodio excepcional de temperaturas altas

    Así afectará á Estrada o episodio excepcional de temperaturas altas

    A Axencia Estatal de Meteoroloxía (AEMET) informou dun período excepcional de temperaturas altas para a época do ano.

    Tal e como se observa nas gráficas meteorolóxicas que ten O Planeta de Hoxe en Día para A Estrada, a xornada de mañá virá acompañada de pequenas orballeiras. A partir de xoves os ceos estarán despexados e as temperaturas comezarán a ascender chegando aos seu máximo o sábado con 33 graos. O domingo as temperaturas máximas comezarán a descender e a inestabilidade comezará a facer acto de presencia e intensificaráse luns.

  • Achéganse temperaturas excepcionalmente altas para a época do ano

    Achéganse temperaturas excepcionalmente altas para a época do ano

    Tal e como informou hoxe a Axancia Estatal de Meteoroloxía (AEMET), durante esta semana produciráse a entrada dunha masa de aire cálido e moi seco, de orixe africana, que se intensificará durante a fin de semana e que ademais traerá pó en suspensión.

    O mércores as temperaturas chegarán aos 35 graos no val do Ebro e no cadrante suroeste peninsular, chegando aos 37 graos no val do Guadalquivir. O xoves produciráse un ascenso xeralizado que provocará que se alcancen os 32 graos na meseta norte e en Mallorca.

    Cando as temperaturas sexan máis altas será entre venres e domingo, especialmente o sábado cando as máximas chegarán aos 36 graos en amplas zonas do interior peninsular, aos 42 graos no val do Guadalquivir, e aos 40 no val do Ebro.

    As mínimas tamén se situarán en valores excepcionais para a época do ano. No interior peninsular poden situarse nos 18 graos e, en Extremadura e Andalucía, poden roldar entre os 20 e os 24 graos.

    O norte de Galicia e a área Cantábrica quedarán ao marxe desta situación. Canarias tampouco se verá afectada pola persistencia dos alisios.

    As primeiras previsións indican que a partires de domingo comezará a remitir este episodio co achegamento dunha baixa atlántica que entrará polo oeste peninsular e deixará unha situación meteorolóxica inestable con chubascos.

  • Finlandia solicita entrar na OTAN … e Rusia ameaza de guerra?

    Xoves 12 de maio de 2022, día que pode ser clave nos vindeiros meses e anos. Hoxe Finlandia anunciou a súa intención de ingresar na OTAN. Só lles fai falla a aprobación do Parlamento e todo parece indicar que si que teñen o permiso dos grupos políticos. E da poboación. As últimas enquisas indican que o 66% dos cidadáns están a favor de ingresar na organización.

    E cando xa teñan a aprobación, só lles queda realizar a solicitude e, despois, que a OTAN dea o aprobado. Algo que parece que vai pasar. Desta forma, Finlandia xa podería estar dentro da organización antes de final de ano.

    Pero un dos catro veciños de Finlandia non está a favor diso. Sabes quen é? Si, Rusia. É máis, o Goberno dese país xa dixo que, se Finlandia se une á OTAN, tomarán medidas e que poñerán armas nucleares no mar Báltico. E é que, señoras e señores, tanto Finlandia como Suecia teñen un principio de neutralidade en decisións que teñan que ver con Rusia. Ou tiñan, porque Suecia tamén avisou de que decidirá, cando teña o seu informe de seguridade, se tamén solicita entrar na OTAN.

  • GRÁFICA: Días calurosos en Galicia. A temperatura no teu concello

    GRÁFICA: Días calurosos en Galicia. A temperatura no teu concello

    Realización propia. Fonte: AEMET

    Durante os próximos días Galicia vivirá unha situación de tempo cálido no que as temperaturas superarán os 30º en varios concellos.

  • Explosión nun edificio no centro de Madrid

    Explosión nun edificio no centro de Madrid

    Unha explosión no barrio de Salamanca deixou polo menos 18 feridos, 1 deles grave. A explosión producíuse sobre ás 11.30h no ático do número 35 da rúa General Pardiñas.

    Hai 2 desaparecidos que se cree que están no patio do edificio no que hai 2 metros de cascallos. Unha persoa atópase en estado grave despois de saír voando ata o patio dun edificio. Ademais, hai outros 3 hospitalizados.

    BOMBEIROS DE MADRID

    Os Bombeiros informaron de que hai risco de derrubamento polo que están apuntalando de maneira “urxente” o edificio.

    A gran hipótese da explosión é que se produciu por un escape de gas.

  • Así é a proposta para o curso escolar 2022-2023 da Xunta: inicio o 8 de setembro en todas as etapas, adaptacións á Lei Celaá…

    Así é a proposta para o curso escolar 2022-2023 da Xunta: inicio o 8 de setembro en todas as etapas, adaptacións á Lei Celaá…

    A Xunta de Galicia vai propoñer este xoves 5 de maio na mesa sectorial que o vindeiro curso escolar 2022-2023 comece en todas as etapas o 8 de setembro. Desta maneira, deixaríase de comezar en datas diferentes dependendo da etapa.

    A Xunta di que este cambio realizaríase para “facilitar a conciliación laboral”. No documento remitido ás organizacións sindicais, a Xunta propón que as clases comecen o 8 de setembro (xoves) e rematen o 21 de xuño (mércores), exceptuando ás enainanzas de réxime especial que rematarían o 30 de xuño (venres). En segundo de bacharelato, as clases rematarían antes pola ABAU.

    Os períodos estivais serían os seguintes:

    • Nadal: Venres 23 de decembro – Domingo 8 de xañeiro.
    • Entroido: Luns 21, martes 22 e mércores 23 de febreiro.
    • Semana Santa: Sábado 1 de abril- Luns 10 de abril (incluído)

    Ademais, a avaliación da terceira avaliación, previa á final, na ESO terá lugar a partir do 5 de xuño.

  • Rompe unha tubaxe na 3ª Travesía de América

    Rompe unha tubaxe na 3ª Travesía de América

    Onte ao redor das 18.00h unha tubaxe rompía diante do número 9 da 3ª Travesía de América. Ata o lugar achegáronse operarios do Concello que se dispuxeron a arranxala. 1 hora despois o servizo de auga foi restablecido. Durante a mañá de hoxe cubriuse o burato con cemento.

    Este non é o primeiro caso na zona, pois polo Nadal outra tubaxe rompía na Rúa Forcarei.

  • PHDn. Sábado 30 de abril. Especial 35 título de Liga do Real Madrid

    PHDn. Sábado 30 de abril. Especial 35 título de Liga do Real Madrid

  • Caelle un raio no coche mentras estaba no seu interior

    Os vídeos gravados polos veciños de Manzaneda reflicten a intensidade do pedrazo que caeu este mércores neste concello do Macizo Central ourensán.

    As treboadas concentráronse entre as tres e as 5 da tarde. A pedra corría polas rúas. Tamén na cidade de Ourense.

    En cuestión de horas, caeron preto de 600 raios en Galicia, a maior parte na provincia de Ourense, ocasionando cortes puntuais na subministración eléctrica.

    En Manzaneda, un raio fixo arder un coche mentras o piloto estaba no seu interior. Por sorte, caeu no lado do copiloto.

    Un veciño da zona, voluntario de Protección Civil de Manzaneda, foi o que sufocou as lapas.