O CEIP Pérez Viondi levou a cabo unha serie de entrevistas no marco dun programa titulado “Eleccións municipais. As repostas”. Polo centro pasaron a entrevistarse José López Campos, candidato do PP; Luis López Bueno, candidato do PSOE, e Mar Blanco Casais, candiadata de Móvete.
Todos os programas foron realizados polo alumnado de 6º de Primaria.
A Policía Local da Estrada frustrou esta fin de semana o intento de suicidio dunha muller duns cuarenta anos en San Pedro de Ancorados. A voz de alarma foi dada polos veciños, que escoitaron os berros do marido.
Ata o lugar desprazouse unha patrulla da Policía Local que se atopaba de servizo e, ando chegaron, viron á muller intentando cortarse o pescozo cun coitelo de grandes dimensións. Os axentes conseguiron quitarlle o coitelo. A muller saiu ilesa e foi trasladada ao hospital.
O marido, ao parecer, atopábase baixo os efectos do alcol e caera polas escaleiras.
Este non foi o primeiro intento de suicidio da muller. Fai 15 días intentara facelo disparándose na boca cunha escopeta de balíns, que lle causaran lesións no paladar.
Teléfono de prevención de suicidios
O Sporting Estrada logrou un histórico ascenso a Primeira Autonómica ao gañarlle 0-2 ao Vea. O Vea e o Estradense B xogarán os playoffs de ascenso.
O PSOE da Estrada propón crear espazos no rural nos que se combinen centros de día para os maiores con espazos para os rapaces nos que poidan recibir clases particulares e ter actividades. Estes espazos atoparíanse nas escolas unitarias. Para poder chegar aos centros, habería un servizo de transporte baixo demanda.
O BNG criticou que o goberno do PP “non se caracterizou por defender e dignificar o noso patrimonio”, poñendo como exemplo os casos da Torre e do Pazo de Guimarei e da pérgola da Alameda, actualmente sita na parte posterior do edificio da Fundación e Exposicións da Estrada.
Por iso, o partido nacionalista comprometeuse a sacar os edificios de Guimarei citados anteriormente “da silveira na que levan anos ocultos para poñelo en valor para uso e desfrute dos veciños e veciñas da Estrada”.
Pero tamén poñen o foco na casa de Marcial Valladares en Berres, dado que cren que a casa do autor de Maxina ou a filla espúrea “pode ser o marco no que celebrar todo tipo de eventos relacionados coa cultura, a historia, … e converter ese espazo na casa museo deste insigne escritor e intelectual estradense”.
O Presidente da Xunta de Galicia visitou hoxe A Estrada para participar no mitin central do PP do concello. Nel, ante 1200 persoas, pediulle aos que non están contentos co goberno de Pedro Sánchez que voten ao PP.
Ademais aproveitou a ocasión para acusar a PSOE e BNG de apoiar a Bildu. “O BNG quere os votos dos concellos para implantar un novo modelo en Galicia. De que? De Galicia independente? De Galicia que nega as institucións? Que se quere separar do resto do país?”
“Eses de Bildu que presentan en tantos concellos do País Vasco a asasinos e condenados por terrorismo son amigos do socialismo e do Bloque”
Alfonso Rueda
Rueda apoiou ao candidato estradense na busca da súa cuarta maioría absoluta. Non só se referiu a el como un referente a nivel galego senón que tamén declarou a súa amizade persoal con el.
O delegado do Goberno en Galicia, José Ramón Gómez Besteiro, visitou varios concellos de Deza e Tabeirós-Terra de Montes. Na Estrada acompañou a Luis López Bueno na presentación do seu proxecto estrela: a cesión gratuíta do vello ambulatorio para, previa reforma, albergar os servizos que xa se ofrecen a nivel municipal, pero ampliando prazas. Tamén trasladou a Besteiro a súa proposta de humanizar a N-640 ao seu paso polo casco urbano e reclamou unha solución por Liñares.
En Lalín, o delegado reivindicou as “grandes inversións” do Goberno no concello. Acompañado pola condidata Alba Forno, visitou a Praza de Abastos que se vai reformar con 1 millón de euros dos fondos de recuperación “que conseguiu Pedro Sánchez de Europa”. Ademais, sinalou que a reforma foi pactada durante o goberno de coalición e que é unha medida “moi agardada” polos praceiros. Tamén lamentou que Lalín “perda oportunidades únicas” para reformar a piscina vella ou o pavillón.
En Cerdedo-Cotobade desprazouse ata a ponte de Pedre, onde o pasado decembro produciuse un tráxico accidente de autobús, para ratificar o seu compromiso para reforzar a seguridade vial na N-541 nun tramo de 17km entre Cerdedo-Cotobade e Forcarei.
O PP calificou a comparecencia conxunta de Luis López Bueno (PSOE) e Mar Blanco Casais (Móvete) para criticar a débeda municipal como “reveladora da desesperación electoral que viven os partidos”. Tildaron de “especialmente vergoñento” o feito de que o candidato dos socialistas critique a débeda municipal “cando o Goberno de Pedro Sánchez debe á Estrada máis de 6 millóns de euros”.
En canto a cifra da débeda do Concello, indican que é de 5,3 millóns de euros, “unha cifa perfectamente asumible para un concello da magnitude do da Estrada”, en lugar do 10 millóns estimados pola oposición.
Ademais, explicouse que se pediu un crédito extraordinario de 4,5 millóns de euros para que “o próximo goberno, sexa da cor que sexa, teña capacidade de cofinanciación de proxectos transformadores que melloren A Estrada”. O desglose dos 4,5 millóns de euros sería:
O BNG celebrou o seu mitin central no MOME. Dito acto contou co apoio de Néstor Rego, deputado do partido no Congreso.
Xoán Reices, candidato á alcaldía, afirmou que “un goberno do BNG terá entre as súas prioridades pelexar pola Variante” e acusou a PSOE e PP de non ter interés nela e de tela só como medida electoralista.
“Un alcalde do BNG non calará ante o elevado número de accidentes, como fai o PP, esixiremos solucións e para iso contamos coa axuda do noso deputado Néstor Rego, que el si, é o único deputado que defende os intereses dos veciños e veciñas en Madrid, mentres o outro, o do PP, que é da Estrada, non fai nada pola Variante nin pola seguranza vial”
Xoán Reices
Xa hai 8500 hectáreas queimadas e máis de 700 desaloxados. Actualmente o vento continúa sendo o peor inimigo.
Xornal da Estrada 