Autor: Rubén Rosende
-
Mantéñense as cifras de paro na comarca
A Xunta de Galicia publicou as cifras de paro nos concellos de Galicia. Na comarca de Tabeirós-Terra de Montes as cifras só baixaron nunha persoa. Por concellos, A Estrada conseguiu baixar da cifra dos 800 parados ao ter dous desempregados menos, Cerdedo mantense nos 58 parados e, Forcarei, sube un ata os 95.
Gráfico interactivo. Pulse no nome dos meses para retiralos/mostralos na gráfica. // Rubén Rosende Por sectores, é o dos servizos o que máis parados aporta (645), seguido da industria (118), da construcción (75), dos cidadáns que buscan o seu primeiro emprego (67) e da agricultura e pesca (46). O concello que máis aporta en todos os casos é o da Estrada.
Gráfico interactivo. Pulse no nome dos concellos para retiralos/mostralos na gráfica. // Rubén Rosende En canto ás idades, só hai 29 menores de 25 desempregados. Amais, hai 547 mulleres maiores de 25 anos sen emprego e 375 homes maiores de dita idade.
Gráfico interactivo. Pulse no nome dos concellos para retiralos/mostralos na gráfica. // Rubén Rosende -
O PSOE denuncia a mala consevación das zonas de baño públicas
O líder do PSOE na Estrada, Luis López Bueno, denunciou o mal estado de conservación das zonas de baño públicas no concello. López Bueno asegura que atópanse descoidadas e bota en falta “actuacións prometidas unha e outra vez polo PP local”.
Segundo o líder socialista, nas pincinas estánse despegando as pezas de gresite do vaso principal que se arranxaran hai pouco. Amais, critica o estado da zona de xogo infantil, que ten todos os elementos – incluído o valado perimetral – en mal estado, e a existencia de duchas precintadas.
López Bueno tamén se desprazou ata a praia fluvial de Liñares, onde comentou que os baños atópanse “nunha situación de dubidosa salubridade, por ser amables co PP”. Tamén lamentou a existencia de xogos infantís precintados pola Policía Local e dun tobogán que non cumpre a normativa.
O socialista lamentou que non chegaran as melloras anunciadas á praia fluvial e ás piscinas municipais e calcula que A Praíña, en Couso, e O Areal, en Berres, reciben uns 1.000 usuarios ao día, mentras que nas instalacións municipais “apenas chegan a 150”. Bueno atribúe estas malas cifras á “devaluación continua” dos espazos do baño de xestión municipal por falta de mantemento.
-
ADEGA Ecoloxismo leva aos tribunais o parque eólico Campo das Rosas
A asociación ecoloxista ADEGA presentou un contencioso-administrativo contra a autorización da Xunta ao parque eólico Campo das Rosas. Tal e como recollen, nos montes da Estrada, Cerdedo-Cotobade e Campo Lameiro no que se queren instalar os eólicos existe un tipo de fento considerado en perigo de extinción, o Lycopodiella inundata, e hai turbeiras protexidas, que non apareceron nin no Estudo de Impacto Ambiental (EIA) nin na Declaración de Impacto Ambiental (DIA). Ademais, os eólicos tamén se instalarían nos montes nos que se atopan os cabalos da Rapa das Bestas de Sabucedo.
Segundo ADEGA, as infraestruturas do parque eólico poderían provocar a desaparición dalgunhas turbeiras e modificaríase o fluxo da auga provocando unha importante alteración do réxime hídrico. Tamén, engaden, o licopodio das brañas – Lycopodiella inundata -, cuxa maior poboación atópase en ditos montes, podería chegar a desaparecer e a provocar a extinción da especie.
-
Unha rúa para non pasar
Hai uns días fixéronse públicas nas redes sociais unhas queixas pola maleza que invade unha beirarrúa na rúa Manuel Cabada Vázquez da Estrada. A maleza procede duha finca particular e imposibilita o paso por dita beirarrúa.
Imaxes da maleza // PHDnoticias -
Festa na honra de San Antón e da Virxe das Dores en Borela
A parroquia de Borela, en Cerdedo-Cotobade, honrará a San Antón e á Virxe das Dores durante tres días. O venres 4 ás 21.00h haberá unha churrascada e verbena a cargo de 3.Com e M-3 Show.
O sábado ás 13.00h celebraráse unha misa solemne. A Banda de Gaitas e Percusión Foula de Cotobade será a encargada de realizar o pasarrúas e de amenizar a sesión vermú. Á noite, Soprano e Tic-Tac actuarán na verbena.
O domingo 6 oficiaráse unha misa ás 13.00h. Ao longo da mañá o grupo de gaitas Os Trazantes de Tenorio estarán ao cargo de animar as rúas no pasarrúas e, despois da misa, darán un concerto na sesión vermú.
-
Os estradenses poderán desfrutar dunha competición de tenis
No concello da Estrada naceu este martes 1 de agosto a Estrada Tennis League (ETL polas súas siglas), unha liga de tenis que nace co obxectivo de que os tenistas – sexan do nivel que sexan – “poidan liberar as súas ansias competitivas e poñerse a proba”.
O formato da ETL será “ao máis puro estilo americano, baseada nunha fase regular e nun playoff“. A competición dividiráse nunha competición de inverno e nunha de primavera.
PHDnoticias púxose en contacto coa competición e confirmáronnos que a competición está dirixida para o público en xeral e que se valora crear unha categoría para os nenos en función dos rapaces que se puideran chegar a inscribir.
Ao longo dos vindeiros días irán dando máis detalles.
-
O PSOE pide melloras en San Andrés de Vea
O PSOE da Estrada fixo públicos dous documentos nos que se lle solicita ao Goberno local melloras nos asfaltados en San Andrés de Vea.
No primeiro documento menciónase que no lugar de Paramá existe unha vivenda na que, se non se rebaixa o nivel da vía antes de asfaltar, o seu portal “quedaría inutilizable” dado que xa “ten un desnivel significativo” e, ao asfaltar, a altura da vía aínda sería maior. Amais, tamén se solicita o arranxo das canalizacións de pluviais da pista “a fin de que a auga discorra por elas e non invada a entrada das casas”.
No segundo decumento exponse que a única pista que dá acceso ao lugar de Cardelle está en mal estado, polo que se solicita que se inclúa esa pista no vindeiro proxecto de asfaltados.
-
Mes histórico en PHDnoticias
PHDnoticias ven de rexistrar, sen lugar a dúbidas, o mellor mes da súa historia. A web, principal servizo do xornal, recibiu un total de 12.521 visitas, máis dun 2.000% máis que desde que se creara a web ata o pasado xuño. O groso das visitas foron procedentes de España (11.974), pero tamén houbo de moitos outros países de todos os continentes.
As festas e a nosa sección de Dnuncia son as que máis visitas tiveron, aínda que tamén aparecen no Top10 o intento de secuestro a unha menor en Teo, o accidente dun ciclista na Estrada e a aparición de 5 gatiños dentro dun colector do lixo.
En YouTube tamén houbo vos resultados pese á escasa publicación de contido: o short sobre a vaga de incendios no Mediterráneo convertiuse no segundo vídeo máis visto, quedando só por detrás da victoria de Mimicat no Festival da Canção.
-
Domingo de Rapa en Cuspedriños
Un ano máis, este domingo 6 celebraráse a tradicional Rapa das Bestas de Cuspedriños, en Cerdedo-Cotobade. Ás 12.00h realizaráse a subida das bestas ata o curro para, ao chegar, separar os potros. Ás 14.00h será a comida e, sobre ás 17.00h, comezará a rapa. Ás 20.00h levaráse a cabo un sorteo de rifas para poder seguir realizando novas edicións do evento.
Comida
O xantar pódese reservar estará composto por polbo, churrasco, postre e café a un prezo de 30€ por persoa. Correrá a cargo de Pilar Fuchela e pódese reservar o menú a través do número de teléfono 677 161 957.
Xornal da Estrada 