Alemaña 91-96 España
EUROBASKET. SEMIFINAIS
España gaña en semifinais 91-96 contra Alemaña nun partido no que tivo que volver a remontar.
A final será o domingo ás 20:30h contra Francia.
Categoría: Deportes
-
España pasa á final do Eurobasket nunha nova remontada
-
Marque perde 24 segundos no prólogo da Volta a Portugal
Onte comezou a Volta a Portugal cun prólogo por Lisboa. O percorrido era completamente chá por Lisboa.
Prólogo. Volta a Portugal A loita contra o crono gañouna o portugués Rafael Reis (GLASSDRIVE / Q8 / ANICOLOR) cun tempo de 6 minutos 11 segundos. En segunda posición quedou o seu compañeiro de equipo e compatriota Mauricio Moreira, a 9 segundos. O podio conformouno o inglés do Trinity Racing Oliver Rees, co mesmo tempo que Moreira.
A 24 segundos quedou o estradense Alexandre Marque. Atópase 32° na xeral. Na recta final do prólogo tivo un problema co radio da bicicleta, que tal e como declarou á RTP, tivo que colocalo el. Aínda así, non tivo oportundidadd de victoria.
Álex Marque. RTP A etapa de hoxe sairá de Vila Franca de Xira e percorrerá 193km ata chegar a Elvas. As únicas dificultades coas que se atopará o pelotón serán varios repeitos e dous portos de cuarta categoría.
Etapa 1. Volta a Portugal -
Comeza o Tour de Francia coa loita Pogačar-Roglic
Hoxe comeza a proba raíña do ciclismo mundial: o Tour de Francia. Neste Tour veremos a loita entre os eslovenos Tadej Pogačar e Primoz Roglic, unha batalla da que non puidemos desfrutar o ano pasado por unha caída deste último.
A Grand Départ será en Copenhague nunha crono de 13,2km polas rúas da cidade.
Perfil da etapa 1. ASO A segunda etapa será de 202,2km e sairá de Roskilde e nos primeiros 90km pasarán por 3 portos de 4ª categoría. Nos últimos quilómetros antes de chegar á meta situada en Nyborg pasarán por unha ponte de 18km.
Perfil da etapa 2. ASO A terceira e última etapa por Dinamarca sairá de Velje e rematará en Sønderborg. Será unha etapa chá de 182km cun claro final ao sprint.
Perfil da etapa 3. ASO -
A prima dun famoso ciclista leva máis de 200 días desaparecida e pode estar en España
O ciclista esloveno Tadej Pogačar pediu axuda nas súas redes sociais para atopar á súa prima Julija Pogačar, de 10 anos de idade. A rapaza leva en estado descoñecido desde o 3 de novembro sobre ás 17.30h, cando marchou coa súa nai, Melisa Smrekar e cun matrimonio conformado por Luka e Anka Ule.
Tal e como informa o pai da menor Peter Pogačar na web findjulija.com, marcharon en coche. O matrimonio Ule despediuse dos seus familiares e díxolles que marchaban a España a algún lugar de montaña nunha choza onde non houbera señal. Dado que tamén mencionaron que a viaxe duraría entre 3 e 4 días, o home deduce que “foron a España en coche (Huelva ou Cádiz) e de alí en ferry a Canarias”. Ademais, as sospeitas de que están en España aumentan ao saber que o matrimonio sabe falar castelán con fluidez.
Anka e Luka Ule. FINDJULIJA.COM O irmán de Anka Ule falou con ela por teléfono 11 días despois de desaparecer e díxolle que “ela e Luka estaban en España facendo rutas de montaña”. Ao ser preguntada por Melisa e Julija, “ela negou coñecelas”. “Despois desta chamada, os teléfonos de Anka e Luka volvéronse inalcanzables e xa non podemos chamalos”.
Peter supón que a súa filla e Melisa atópanse co matrimonio Ule, pero non é necesario. El afirma que “podería ser máis facil atopar á parella porque non teñen un motivo real para esconderse”.
Melisa Smrekar. FINDJULIJA.COM Melisa só levou con ela os seus documentos persoais e os de Julija. Ademais, leva en contacto con Lana Praner desde 2013. Lana Praner é a lider da secta Lana Praner con los Señores. Dise que a secta ten comunas por toda Europa, polo que Melisa e Julija poderían atoparse nunha.
Peter afirma que Melisa está convencida de que, ao escaparse, “salvou a vida dela e a de Julija”, porque a muller é firme crente de varios bulos que circulan polas redes sociais como o do 5G e o dos microchips nas vacunas da COVID-19.
“Eu teño a custodia total de Julija e preocúpame moito o desarroio de Julija desde que desapareceu. É moi importante que regrese o antes posible ao seu entorno familiar, á escola, coa súa familia e amigos. Non me podo imaxinar como vive agora e todo o que ten que soportar. Estou seguro de que o seu día a día agora mesmo é de mala calidade, sobre todo porque teñen que estar agochadas e sen cartos. Tamén me preocupa a súa saúde e que pasaría se enferma.”
Peter PogačarRecompensa económica
A familia de Julija ofrece un premio de 10.000 euros pola información que os leve a Julija e que os permita levala a casa sá e salva.
-
O EDM ao final si que ascende á liga EBA
O EDM Baloncesto A Estrada está preparado para facer historia. Tras varias semanas longas de duro traballo nos despachos, a directiva tomou a decisión de que este ano si que se aceptará a praza na Liga EBA. Na xornada de hoxe o equipo entregará o aval de 8.000 euros para pechar de forma definitiva o ascenso.
No económico necesitouse duplicar o presuposto para chegar aos 70.000 euros para cumprir cos requisitos en canto a arbitraxes, desprazamentos e demais. “Vamos a ter que traballar moito”, afirmou onte o director do clube, Alfonso Sanmartín, sobre esta exisencia. Ademais, contarán co apoio de Xunta, Deputación e Concello.
No deportivo o reto vai ser maior. Tras conseguir o ascenso, os xogadores pedíronlle á directiva o seu desexo de subir á Liga EBA, algo soñado despois de levar varias tempadas quedando nas posicións altas da táboa. Agora o equipo dará o salto a unha categoría na que esta tempada competiron equipos como o Gijón Basket, Ule Basket León e equipos galegos como o de Marín, Porriño e Silleda.
David González seguirá liderando o equipo xunto a Pinone. Sen embargo, non contarán co director deportivo, David Carballo, máis coñecido como Bilba, que decidiu dar un paso ao lado.
Na plantilla non se agardan grandes cambios, salvo algunha incorporación para reforzar posicións claves.
-
A música tradicional e o deporte serán protagonistas na xornada de hoxe
Chova ou faga sol, este ano as San Paio regresan ao que eran antes da pandemia, e o Concello está facendo todo o posible para manter todos os actos. Deste xeito, as actividades que onte se celebraban ao aire libre finalmente realizáronse en espazos pechados.
E hoxe é un dos días grandes das festas. As actividades comezarán co 3×3 de baloncesto que se celebrará no Coto Ferreiro. A música comezará a soar ás 11.00h coa Charanga Os Atrevidos e, unha hora despois (12.00h), a Banda de Gaitas de Barbude, Malante de Malpica e a Orquestra de Foles de Portugal realizarán un pasacalle.
Ás 13h haberá un pintacaras a cargo de @mepintakiki na Zona dos Viños e, na rúa Ulla, unha Sesión Vermú a cargo de Supermirafiori.
Pola tarde continuará o 3×3 de baloncesto e ás 16h daráse a saída do VIII Trofeo de Ciclismo Concello da Estrada nos arredores do IES Manuel García Barros. Ás 18h osmciclistas regresarán ao punto de saída e a Charanga Os Atrevidos volverá a realizar un pasacalle.
Ás 19h os máis pequenos poderán desfrutar cos Bolechas na Praza do Mercado. Media hora máis tarde dará inicio o Festival de Música Tradicional no que actuarán a Banda de Gaitas de Barbude, Malante de Malpica e a Orquestra de Foles de Portugal.
Ás 20.30h haberá unha sesión DJ a cargo de I.T.Y.F b2b hortical na Zona dos Viños. Ás 21h, a Orquestra Galilea realizará o seu primeiro pase para darlle paso ás 22.30h á Gala Tequexetéldere XXX Aniversario xunto coa Banda de Música Municipal da Estrada. Ás 23.30h volverá a actuar a Orquestra Galilea e, ás 24h, comezará o Start of Summer Festival con Henry Mendez, Groove Amigos, Carlos López, Zana, Pedro Rivis, Alex Brea, Xabi Villar e Iván Campos na Alameda.
-
Así será o día grande das festas de San Paio da Estrada: deporte, Xoel López e Combo Dominicano
Día grande das festas patronais de San Paio que comezará co 3×3 de fútbol para categoría base. Ás 10.30h e ás 12h Musikenos actuará no Teatro.
Ás 11.00 estará lista a alfombra floral elaborada pola Asociación de Alfombristas da Estrada na Calvo Sotelo, comezará o Xfest no que haberá Skateboard, Scaperoom, Nerf e Ponte-Slackline e a Charanga BB+ realizará un pasacalle.
Ás 13h @mepintakiki realizará unha sesión de tatuaxes semipermanentes con aerógrafo e a Banda de Música Cultural da Estrada dará un concerto.
Ás 16h será o turno do 3×3 de fútbol de categoría absoluta e do Taller de grafiti, da Batalla de galos e da Esgrima histórica no Xfest.
Ás 18h a Charanga BB+ volverá a percorrer as rúas estradenses e comezará a final do torneo de tenis dobres Concello da Estrada.
Ás 19h haberá un concerto infantil con inchables e festa da escuma na Praza do Mercado e un pasacalle a cargo da Banda de Música Cultural da Estrada.
Ás 20h, Batucada Latexo Percusión na Farola; Mani Maro, Breynz e Ruvix no Xfest e misa cantada na honra a San Paio polo Coro San Simón de Teo. A posteriori, procesión a cargo da Agrupación Musical de Cornetas, Tambores e Gaitas ACOGATA de Ferrol e da Banda de Música Cultural da Estrada.
Ás 20.30h, sesión DJ a cargo de Iván Campos e Carlos López na Zona dos Viños. Ás 22.30h Xoel López actuará na Praza do Concello e a Orquestra El Combo Dominicano actuará a partir de medianoite na Praza de Galicia.
-
Fin de semana lúdico e gastronómico na Estrada
Esta fin de semana haberá eventos en Aguións, A Estrada e Loimil.
Festas na honra a San Antón en Aguións
Cartel das festas Aguións rinde homenaxe a San Antón. As festas comezarán hoxe cunha verbena a cargo de Os Players e París de Noia. Mañá ás 13.00h haberá unha misa cantada polo Coro Parroquial de Aguións e a posterior procesión e sesión vermú a cargo da Charanga TNT. Pola noite, a verbena correrá a cargo da Charanga TNT e das orquestras Olimpus e Satélites.
Rubín homenaxea a San Xosé
Mañá Rubín comezará as súas festas na honra a San Xosé cunha misa ás 13.00h coa posterior procesión e sesión vermú cun grupo de gaitas. Pola noite, o dúo Punto Zero e a orquestra Estrella Mar.
O domingo esta parroquia homenaxeará a San Campio cunha misa solemne a partir das 13.00h e a posterior sesión vermú coa Banda Cultural da Estrada.
A Estrada celebra a IX edición da Festa da Sidra con baloncesto
Este sábado A Estrada celebrará a IX edición da Feira da Sidra con degustacións de 12.00 a 15.30 e de 19.00 a 21.30h e coas actuacións da Roda e do grupo La Quinkillada.
Ademais, tanto sábado coma domingo celebraráse no pavillón Manuel Coto Ferreiro e nas pkstas de baloncesto do colexio de Figueiroa as fases finais autonómicas nas categorías minibasket e preminibasket de baloncesto.
Loimil celebra a Romaría de San Isidro e o vixésimo aniversario da festa do año ao espeto
Este domigo Loimil vestiráse coas súas mellores galas para celebrar a Romaría de San Isidro e a XX edición da Festa do Año ao Espeto. Os actos comezarán ás 13.30h cunha misa e a posterior Bendición do Agro. O pregón correrá a cargo de Xiana Lastra Pena, voz da Banda da Loba. A posterioiri xantaráse na Carballeira da Saleta de Loimil. O xantar estará amenizado por un grupo de gaiteiros e o grupo musical Sharky Show Music.
