Servizos

O Mercadiño

Necrolóxicas

Axenda

Outros

Vivenda

As propostas de Luis López Bueno

Categoría: Galicia

  • Unha aldea de Quiroga négase a ser desaloxada para defender as súas casas

    Galicia está afrontando unha situación extraordinaria polos incendios forestais. A falta de medios provocou que arderan 85 vivendas na nosa comunidade.

    Hoxe Orgullo Galego recolleu as palabras dun veciño de Xestoso do Lor, en Quiroga no que afirma que durante a tarde de onte a Garda Civil acudiu para evacualos. Esta aldea xa fora evacuada 3 noites antes pola dirección das lapas, que ameazaban a aldea.

    “Hoxe o pobo enteiro negouse a irse. Querían defender as súas casas do lume”. Isto xustifícase porque “vimos como fai días arderon aldeas enteiras como Vilar do Courel sen ningún tipo de axuda para salvalas e non querían que isto se repetira aqui”.

    A Garda Civil colleulle os datos a varios habitantes da aldea, que manifestan que, pese a que viviron varios incendios forestais, “nunca se tratou así á poboación”.

  • Os lumes continúan avanzando por Galicia sen control

    Medio Rural actualizou os datos dos incendios que afectan á nosa comunidade:

    Provincia de Lugo

    O incendio Folgoso do Courel-A Pobra do Brollón afecta a 7500 hectáreas. Está activa a situación 2 pola proximidade das lapas aos núcleos de Parada dos Montes e Carballal (Folgoso do Courel) e Busto (A Pobra do Brollón).

    Continúa activo outro incendio en Folgoso do Courel con 1100 hectáreas afectadas e coa situación 2 ante a proximidade ao núcleo de Gamiz.

    En Cervantes, o incendio de Cereixedo atópase estabilizado con 65 hectáreas afectadas e, o do Castro, tamén se atopa estabilizado e, segundo as últimas medicións, supera as 20 hectáreas. Neste mesmo concello, ás 23.31h quedou controlado o incendio de Noceda, con 100 hectáreas queimadas, e extinguiuse o de Donís, con 75 hectáreas queimadas.

    En Quiroga, o incendio de Nocedo está estabilizado con 15 hectáreas afectadas e atópase controlado o incendio de Outeiro, con 250 hectáreas queimadas.

    En Palas de Rei o incendio de Ramil atópase controlado con 375 hectáreas calcinadas.

    Tamén se atopa controlado o incendio de Santa Mariña de Castro de Amarante (Antas de Ulla) con 40 hectáreas queimadas.

    Provincia de Ourense

    O incendio de Riodolas (Carballeda de Valdeorras), que afecta principalmente ao concello do Barco de Valdeorras e ao Parque Natural da Serra da Enciña da Lastra e que xa chegou a León, leva queimadas 7500 hectáreas e ten activa a situación 2 pola proximidade ao núcleo de Candeda.

    En Oímbra continúan activos os 3 incendios que entraron desde Portugal. O máis grave é o de Rabal que xa leva queadas 750 hectáreas e esta madrugada desactivouse a Situación 2 pola proximidade ao núcleo de Feces de Cima (Verín). O incendio de San Cibrao afecta a 400 hectáreas e, o de Videferre, a 350 hectáreas.

    En Vilariño de Conso, o incendio de Pradoalbar que afecta ao Parque Natural do Invernadoiro xa calcinou 3500 hectáreas.

    Provincia de Pontevedra

    Onte orixinouse e estabilizouse ás 4.23h un incendio na parroquia do Piñeiro, en Covelo. O lume calcinou menos de 20 hectáreas.

    O incendio de Rodeiro continúa controlado con 200 hechareas queimadas.

  • ARDE GALICIA. Especial PHDn. Martes 19 de xullo #PHDnArdeGalicia

  • “A Xunta non ten efectivos porque non quere”

    O medio galego Orgullo Galego recolleu unhas declaracións duns brigadistas:

    “A Xunta non ten medios porque aínda non teñen contrato os brigadistas de pé a estas alturas do verán, e a metade dos brigadistas helitransportado aínda están facendo o curso de preparación, penso que a xente se ten que dar conta de quen ten a responsabilidade total e absoluta de que estea ardendo medio país sen control. A metade das brigadas ainda non traballamos ata finais de xullo e principios de agosto e agora estamos cos mesmos servicios que no mes de maio cando non chove un carallo”.

    “A xente pensa que todo está moi ben, e a prensa caladiña. Levamos xornadas de 12 horas nos incendios e so nos dan un bocata e nos deixan a catro para enfrentar centos e centos de hectáreas. Onte os veciños do Courel e do Barco foron abandonados e no Invernadoiro xa se queimou o 50% do Parque Natural e queren deixalo para mandarnos a outro lume“.

  • Actualización dos datos dos incendios que afectan a Galicia

    Actualización dos datos dos incendios que afectan a Galicia

    Medio Rural ven de actualizar os datos dos incendios forestais que asolan Galicia.

    Na provincia de Lugo, o incendio Folgoso do Courel-A Pobra do Brollón, que xurdiu da unión de dous incendios da parroquia de Saa (A Pobra do Brollón) e de outros dous da de Vilamor (Folgoso do Courel), xa afectou a 4900 hectáreas e continúa activa a situación 2 de emerxencia. Tamén no concello de Folgoso do Courel outro incendio xa leva calcinadas 1100 hectáreas e tamén ten activo o nivel 2 de emerxencia. En Palas de Rei un incendio iniciado na parroquia de Ramil xa afectou a 375 hectáreas. No concello de Cervantes están activos os incendios de Cereixedo (65 hectáreas) e de Noceda (100 hectáreas) e está estabilizado o de Donís (75 hectáreas). En Quiroga, o incendio de Nocedo está estabilizado con 15 hectáreas afectadas e, o de Outeiro, controlado con 250 hectáreas afectadas. En Antas da Ulla o incendio está controlado e afectou a 40 hectáreas.

    Na provincia de Ourense, o principal incendio é o de Carballeda de Valdeorras, que afecta principalmente ao concello do Barco de Valdeorras. Este incendio xa afectou a 7500 hectáreas e está activo a situación 2 pola proximidade do lume ao núcleo da Candeada e xa afecta ao Parque Natural da Serra da Enciña da Lastra. En Oímbra hai dous incendios activos (San Cibrao con 400 hectáreas afectadas e que se reactivou onte e Rabal, con 700 hectáreas afectadas) nos que se desactivou a Situación 2 e hai outro estabilizado esta madrugada (Videferre con 350 hectáreas afectadas). Todos os incendios do concello entraron desde Portugal. En Vilariño de Conso continúa activo o incendio que afecta ao Parque Natural do Invernadeiro con 2650 hectáreas afectadas. En Ribadavia atópase controlado o incendio que afecta 65 hectáreas.

    Na provincia de Pontevedra continúa controlado o incendio de Rodeiro con 200 hectáreas afectadas.

  • Resumo: así foi o día nos incendios de Galicia

    Icona do sitio
    Resumo: así foi o día nos incendios de Galicia

  • Así están os imcemdios en Galicia

    Galicia está en alerta polos incendios. Novamente grandes masas forestais están ardendo na nosa comunidade. O máis preocupante atópase no Courel, no Barco de Valdeorras e na Serra do Invernadoiro, pero aparecen máis incendios, e próximos ás casas.

    En Folgoso do Courel hai 2 incendios activos, con nivel de emerxencia 2 pola proximidade do lume ás casas. Un dos incendios xurde da unificación dos dous incendios que afectan á parroquia de Vilamor e os dous da parroquia de Saa, na Pobra do Brollón. Este incendio xa calcinou unhas 4.500 hectáreas segundo Medio Rural. O outro incendio no concello de Folgoso do Courel, iniciado na parroquia de Seceda, xa arrasou 1.100 hectáreas. Neste último incendio participa a UME nas labores de extinción.

    O outro gran incendio de preocupación é o de Carballeda de Valdeorras, aínda que o máis grave atópase no concello do Barco de Valdeorras. Este incendio reactivouse por un cambio de vento e xa afecta a máis de 4600 hectáreas. Nas labores de extinción participa a UME.

    No concello de Oímbra hai tres incendios. Dous entraron desde Portugal. O máis grave actualmente é o que afecta á parroquia de Rabal, onde se solicitou a activación do nivel 2 de emerxencia pola proximidade do lume ás casas e onde xa se calcinaron 130 hectáreas. O outro procedente de Portugal calcinou 350 hectáreas e, o último incendio, calcinou 50 hectáreas e está controlado. Nestes dous últimos incendios desactivouse o nivel 2 de emerxencia, ao desaparecer o risco para os núcleos de poboación.

    O incendio que se orixinou na parroquia de Ramil, en Palas de Rei, afectou a unhas 375 hectáreas e tamén se desactivou o nivel de risco 2.

    En Vilariño de Conso arderon 1800 hectáreas e o incendio afecta ao Parque do Invernadeiro.

    No concello lucense de Cervantes permanece activo un incendio na parroquia de Cereixedo con 20 hectáreas afectadas. Neste mesmo concello, na parroquia de Donís estabilizouse esta mañá outro incendio que afecta preto de 75 hectáreas.

    En Quiroga permanecen controlados desde sábado dous incendios. O primeiro é o de Outeiro, con 250 hectáreas afectada e o outro é o de Nocedo, con 15 hectáreas.

    En Antas da Ulla leva controlado desde esta noite o incendio que se orixinou na parroquia de Santa Mariña do Castro de Amarante e que afectou a 40 hectáreas.

    No concello de Rodeiro leva controlado desde o sábado o incendio que afecta a 200 hectáreas e que se orixinou na parroquia de Guillar.

    En Ribadavia segue controlado o incendio que afecta a 65 hectáreas.

    Na conta de instagram oplanetadehoxeendianoticias pode atopar toda a información que imos recibindo sobre os diferentes incendios.

  • O EDM ao final si que ascende á liga EBA

    O EDM ao final si que ascende á liga EBA

    O EDM Baloncesto A Estrada está preparado para facer historia. Tras varias semanas longas de duro traballo nos despachos, a directiva tomou a decisión de que este ano si que se aceptará a praza na Liga EBA. Na xornada de hoxe o equipo entregará o aval de 8.000 euros para pechar de forma definitiva o ascenso.

    No económico necesitouse duplicar o presuposto para chegar aos 70.000 euros para cumprir cos requisitos en canto a arbitraxes, desprazamentos e demais. “Vamos a ter que traballar moito”, afirmou onte o director do clube, Alfonso Sanmartín, sobre esta exisencia. Ademais, contarán co apoio de Xunta, Deputación e Concello.

    No deportivo o reto vai ser maior. Tras conseguir o ascenso, os xogadores pedíronlle á directiva o seu desexo de subir á Liga EBA, algo soñado despois de levar varias tempadas quedando nas posicións altas da táboa. Agora o equipo dará o salto a unha categoría na que esta tempada competiron equipos como o Gijón Basket, Ule Basket León e equipos galegos como o de Marín, Porriño e Silleda.

    David González seguirá liderando o equipo xunto a Pinone. Sen embargo, non contarán co director deportivo, David Carballo, máis coñecido como Bilba, que decidiu dar un paso ao lado.

    Na plantilla non se agardan grandes cambios, salvo algunha incorporación para reforzar posicións claves.

  • A Panorama porá punto e final ás festas de San Paio 2022 da Estrada

    A Panorama porá punto e final ás festas de San Paio 2022 da Estrada

    Día festivo na Estrada e tamén un tanto especial. Este ano as festas recuperáronse por completo e hoxe rematan.

    A programación do día comeza ás 11 da mañá coa Festa da Bicicleta. Ás 12, a Banda de Música Municipal da Estrada realizará un pasacalle e, ás 13h, dará un concerto na Alameda.

    Ás 18h haberá un pasacalle de Lume na Lareira. Ás 19h Lucía Azurmendi Grupo actuará na Praza do Mercado e, media hora despois (19.30h), comezará a representación teatral O Principiño, realizada pola Escola Municipal de Artes Escénicas no Teatro.

    Ás 20h dará inicio a Misa Cantada pola Coral Polifónica Estradense. Despois será a procesión do Santísimo, que corre a cargo das Bandas de Música Municipal da Estrada e Militar da Brilat. A posteriori, haberá un desfile e un posterior concerto na Praza do Concello.

    Ás 21h abrirán os polbeiros na Carballeira da Feira e ás 22.30h comezará o primeiro pase dunha das orquestras que máis veces visitou o concello nos últimos anos: a Panorama. Ás 00.30h desde a Cañoteira lanzaránse os fogos fin de festa e, á 1, a Panorama comezará o seu segundo pase para poñerlle broche final ás festas.

  • A música tradicional e o deporte serán protagonistas na xornada de hoxe

    A música tradicional e o deporte serán protagonistas na xornada de hoxe

    Chova ou faga sol, este ano as San Paio regresan ao que eran antes da pandemia, e o Concello está facendo todo o posible para manter todos os actos. Deste xeito, as actividades que onte se celebraban ao aire libre finalmente realizáronse en espazos pechados.

    E hoxe é un dos días grandes das festas. As actividades comezarán co 3×3 de baloncesto que se celebrará no Coto Ferreiro. A música comezará a soar ás 11.00h coa Charanga Os Atrevidos e, unha hora despois (12.00h), a Banda de Gaitas de Barbude, Malante de Malpica e a Orquestra de Foles de Portugal realizarán un pasacalle.

    Ás 13h haberá un pintacaras a cargo de @mepintakiki na Zona dos Viños e, na rúa Ulla, unha Sesión Vermú a cargo de Supermirafiori.

    Pola tarde continuará o 3×3 de baloncesto e ás 16h daráse a saída do VIII Trofeo de Ciclismo Concello da Estrada nos arredores do IES Manuel García Barros. Ás 18h osmciclistas regresarán ao punto de saída e a Charanga Os Atrevidos volverá a realizar un pasacalle.

    Ás 19h os máis pequenos poderán desfrutar cos Bolechas na Praza do Mercado. Media hora máis tarde dará inicio o Festival de Música Tradicional no que actuarán a Banda de Gaitas de Barbude, Malante de Malpica e a Orquestra de Foles de Portugal.

    Ás 20.30h haberá unha sesión DJ a cargo de I.T.Y.F b2b hortical na Zona dos Viños. Ás 21h, a Orquestra Galilea realizará o seu primeiro pase para darlle paso ás 22.30h á Gala Tequexetéldere XXX Aniversario xunto coa Banda de Música Municipal da Estrada. Ás 23.30h volverá a actuar a Orquestra Galilea e, ás 24h, comezará o Start of Summer Festival con Henry Mendez, Groove Amigos, Carlos López, Zana, Pedro Rivis, Alex Brea, Xabi Villar e Iván Campos na Alameda.