Servizos

O Mercadiño

Necrolóxicas

Axenda

Outros

Vivenda

As propostas de Luis López Bueno

Categoría: Galicia

  • Así será o día grande das festas de San Paio da Estrada: deporte, Xoel López e Combo Dominicano

    Así será o día grande das festas de San Paio da Estrada: deporte, Xoel López e Combo Dominicano

    Día grande das festas patronais de San Paio que comezará co 3×3 de fútbol para categoría base. Ás 10.30h e ás 12h Musikenos actuará no Teatro.

    Ás 11.00 estará lista a alfombra floral elaborada pola Asociación de Alfombristas da Estrada na Calvo Sotelo, comezará o Xfest no que haberá Skateboard, Scaperoom, Nerf e Ponte-Slackline e a Charanga BB+ realizará un pasacalle.

    Ás 13h @mepintakiki realizará unha sesión de tatuaxes semipermanentes con aerógrafo e a Banda de Música Cultural da Estrada dará un concerto.

    Ás 16h será o turno do 3×3 de fútbol de categoría absoluta e do Taller de grafiti, da Batalla de galos e da Esgrima histórica no Xfest.

    Ás 18h a Charanga BB+ volverá a percorrer as rúas estradenses e comezará a final do torneo de tenis dobres Concello da Estrada.

    Ás 19h haberá un concerto infantil con inchables e festa da escuma na Praza do Mercado e un pasacalle a cargo da Banda de Música Cultural da Estrada.

    Ás 20h, Batucada Latexo Percusión na Farola; Mani Maro, Breynz e Ruvix no Xfest e misa cantada na honra a San Paio polo Coro San Simón de Teo. A posteriori, procesión a cargo da Agrupación Musical de Cornetas, Tambores e Gaitas ACOGATA de Ferrol e da Banda de Música Cultural da Estrada.

    Ás 20.30h, sesión DJ a cargo de Iván Campos e Carlos López na Zona dos Viños. Ás 22.30h Xoel López actuará na Praza do Concello e a Orquestra El Combo Dominicano actuará a partir de medianoite na Praza de Galicia.

  • Venres de San Xoán con Treixadura, Cinema e Nocturna

    Venres de San Xoán con Treixadura, Cinema e Nocturna

    Hoxe é o segundo día das San Paio 2022 no que Radio Estrada realizará a pé de rúa un dos seus programas. Ademais, ás 12.30h no Teatro Principal haberá un concerto do Grupo de Acordeóns Os Lóstregos con Marietta. Se o tempo o permite, ás 19h haberá unha festa da escuma na Praza do Novo Mercado. Ás 20h no Teatro Muncipal haberá unha exhibición da escola Sondodance. Ás 22h será o pregón a cargo de David Amor e, a posteriori, Treixadura ofrecerá un concerto. A medianoite comezará a actuación da Orquestra de Foles de Portugal e, ás 00.30, a da orquestra Cinema.

    En canto ao deportivo, ás 21h será a Nocturna Estradense (Estranoite) para a categoría Base e, desde ás 23h, para a categoría Absoluta.

  • Xoves de San Xoán na Estrada

    Xoves de San Xoán na Estrada

    Esta noite as cacharelas acenderánse en moitos lugares sendo un dos máis destacados o de Berres. Ademais, A Estrada comezará a celebración das súas festas de San Paio.

    Berres

    O Areal de Berres encheráse coa celebración que comezará ás 21.00h co servizo de pulpeiro e no que haberá sardiñas. Ás 0.00h realizaráse o espectáculo polo río que rematará no acendido da fogueira. Ademais, a partir da 1, haberá concertos de Catuxa Salom e do trío Breocans.

    A Estrada comeza o San Paio

    Desde hoxe A Estrada está oficialmente en festas. Ás 18.00h abrirán as atraccións da Feira e haberá unha exposición fotográfica nos escaparates comerciais nas rúas Calvo Sotelo e Ulla.

    Ás 21.00h acenderáse a iluminación e ás 22.00h dará inicio a sardiñada de San Xoán na que haberá sardiñas gratis, pulpeiro e un concerto de Regatos no Aparcadoiro do Teatro Principal. Ás 00.00h será o lumeiro e, media hora despois, haberá un concerto de Baiuca na Praza do Concello.

  • Dous feridos graves ao derrubarse a estrutura dun dos escenarios do Son do Camiño

    Dous feridos graves ao derrubarse a estrutura dun dos escenarios do Son do Camiño

    Un dos escenarios que se estaba montando para o festival O Son do Camiño no Monte do Gozo, en Santiago de Compostela, viuse esta mañá abaixo deixando 6 feridos, 2 deles graves. Os feridos foron trasladados ao Hospital Clínico de Santiago e “non se teme pola súa vida”

    No lugar estaban traballando 20 persoas cando se “derrubou unha torre”. O derrubamento produciuse no escenario principal. Polo momento non está en cuestión a celebración do festival, pero todo queda en mans da xustiza, por se fose necesario manter inalterado o lugar.

    O festival está previsto que se celebre entre o 16 e o 18 deste mes cun total de 40 actuacións entre as que están The Chemical Brothers, C. Tangana e Liam Gallagher.

  • Fin de semana de coches e música na Estrada

    Por terceira semana consecutiva desde a redacción do Planeta de Hoxe en Día Noticias na Estrada ofrecemos a información dos diferentes eventos que se producirán no concello.

    O motor, gran protagonista

    Hoxe comezou a VI edición do Salón de Vehículos de Ocasión que se celebra no recinto feiral. A feira durará ata domingo e atópase aberto de 11.00 a 20.00h.

    Comezan os Solpores no Lagoeiro

    Hoxe comezan os Solpores no Lagoeiro coa actuación de Mägo de Oz. Os seguintes concertos serán: Sidonie (1 de xullo), Ana Mena (22 de xullo), Efecto Pasillo (5 de agosto), Los Secretos (18 de agosto) e La Habitación Roja (26 de agosto).

    Festas en San Pedro de Ancorados

    San Pedro de Ancorados terá dous días de festas: este sábado celebrarán as súas festas na honra de San Antonio cunha misa rezada ás 10.00h, outra cantada ás 13.00h e a posterior procesión e sesión vermut a cargo da Charanga Ardores. Pola noite haberá verbena a cargo da Charanga Ardores, que contará cun escenario móvil, e a orquestra A Ola ADN (revelación 2022).

    Xa o domingo celebrarán a súa festa na honra ao Santísimo Cristo da Luz cunha misa cantada ás 13.30h e a posterior procesión e sesión vermú a cargo da Banda Municipal da Estrada e da Banda Xinzo de Ponteareas.

    Próximas festas

    O vindeiro sábado 18 Oca celebrará o San Antón. O 23 serán os San Xoáns e, a posteriori e sen confirmación oficial de datas, serán as festas da Estrada.

  • Fin de semana lúdico e gastronómico na Estrada

    Fin de semana lúdico e gastronómico na Estrada

    Esta fin de semana haberá eventos en Aguións, A Estrada e Loimil.

    Festas na honra a San Antón en Aguións

    Cartel das festas

    Aguións rinde homenaxe a San Antón. As festas comezarán hoxe cunha verbena a cargo de Os Players e París de Noia. Mañá ás 13.00h haberá unha misa cantada polo Coro Parroquial de Aguións e a posterior procesión e sesión vermú a cargo da Charanga TNT. Pola noite, a verbena correrá a cargo da Charanga TNT e das orquestras Olimpus e Satélites.

    Rubín homenaxea a San Xosé

    Mañá Rubín comezará as súas festas na honra a San Xosé cunha misa ás 13.00h coa posterior procesión e sesión vermú cun grupo de gaitas. Pola noite, o dúo Punto Zero e a orquestra Estrella Mar.

    O domingo esta parroquia homenaxeará a San Campio cunha misa solemne a partir das 13.00h e a posterior sesión vermú coa Banda Cultural da Estrada.

    A Estrada celebra a IX edición da Festa da Sidra con baloncesto

    Este sábado A Estrada celebrará a IX edición da Feira da Sidra con degustacións de 12.00 a 15.30 e de 19.00 a 21.30h e coas actuacións da Roda e do grupo La Quinkillada.

    Ademais, tanto sábado coma domingo celebraráse no pavillón Manuel Coto Ferreiro e nas pkstas de baloncesto do colexio de Figueiroa as fases finais autonómicas nas categorías minibasket e preminibasket de baloncesto.

    Loimil celebra a Romaría de San Isidro e o vixésimo aniversario da festa do año ao espeto

    Este domigo Loimil vestiráse coas súas mellores galas para celebrar a Romaría de San Isidro e a XX edición da Festa do Año ao Espeto. Os actos comezarán ás 13.30h cunha misa e a posterior Bendición do Agro. O pregón correrá a cargo de Xiana Lastra Pena, voz da Banda da Loba. A posterioiri xantaráse na Carballeira da Saleta de Loimil. O xantar estará amenizado por un grupo de gaiteiros e o grupo musical Sharky Show Music.

  • Mañá será unha xornda de chuvias intensas no concello

    Mañá será unha xornda de chuvias intensas no concello

    Mañá será unha xornada de chuvias intensas no noso concello. Desde ás 12.00 ata ás 19.59h estará activo un aviso amarelo por chuvias e tormentas e a AEMET prevé que ás 18.00h acumúlense 13l/m2.

  • En estado crítico a muller ferida polo seu marido en Carballo

    En estado crítico a muller ferida polo seu marido en Carballo

    No lugar de Sísamo, en Carballo, un home supostamente feriu de gravidade á súa muller. Pouco antes das tres da madrugada os veciños alertaron aos servizos de emerxencia despois de escoitar ruídos.

    No exteriior da vivenda atoparon á muller de 43 anos inconsciente e con sangue e feridas visibles na cabeza, supostamente causadas polo seu marido. Actualmente atópase en estado críttico.

    Ao lugar o 061 enviou dúas ambulancias e persoal sanitario do PAC de Carballo. A muller foi trasladada ao Complexo Hospitalario da Coruña (CHUAC), onde permanece ingresada na UCI.

    Fontes da Garda Civil informan de que o suposto autor foi detido cando ía entregarse arredor das 10:15h, no control de entrada da Comandancia da Coruña.

    Ao longo da mañá, o home foi trasladado desde A Coruña ata o cuartel da Garda Civil en Carballo, onde axentes da policía xudicial se fixeron cargo da investigación.

    Parella con fillos

    A parella ten dous fillos menores de idade, que no momento da agresión atopábanse no interior da vivenda. Os bombeiros acceder ao interior desta para facerse cargo deles. Máis tarde, os dous quedaron baixo custodia temporal dos avós.

    Denuncia previa

    O delegado do Goberno en Galicia, José Miñones, confimou unha denuncia contra o detido de haii una ano por vexacións e insultos, pero non había orde de afastamento.

    O alcalde de Carballo desexou que a evolución médica da vítima “sexa favorable” e tamén informou de que a vítima rechazara anteriormente asistencia do centro municipal da información á muller.

    Lembre que o 016 é o teléfono de atención a vítimas da violencia machista e que non deixa rastro na factura telefónica.

  • Ouzande celebra esta noite a I Festa da Primavera

    Ouzande celebra esta noite a I Festa da Primavera

    Hoxe Ouzande vivirá a súa primeira verbena desde setembro de 2019, cando se celebraron as últimas patronais, dado que en 2020 e en 2021 remitiron todas as celebracións parroquiais a misas pola pandemia da COVID-19.

    Desde as 22.00h, Chocolate Disco Móvil e a orquestra El Combo Dominicano porán ritmo á primeira edición da Festa da Primavera, organizada porque en agosto e setembro- cando se realizan os festexos parroquiais- é máis difícil contratar orquestras. Ademais, haberá pulpeiro e unha carpa grande por se chovera.

  • Mañá produciránse cortes no subministro de auga

    Os traballos que se están a realizar na Porta do Sol dentro do proxecto de reforma da Praza da Feira motivarán cortes puntuais no subministro de auga na Porta do Sol, na avenida de Ponteareas e na rúa Ulla. Estes cortes serán puntuais e comezarán ás 8.00h. O subministro intentaráse restablecelo o antes posible.