Servizos

O Mercadiño

Necrolóxicas

Axenda

Outros

semana santa

Consulta a programación

santas tapas

Consulta as tapas e os seus establecementos

Etiqueta: #A Estrada

  • A construción do novo barrio da Estrada tirará abaixo 4 casas

    A construción do novo barrio da Estrada tirará abaixo 4 casas

    Tras unha semana de reunións con 41 propietarios de fincas, o Concello desvelou que o desarrollo da Avenida de América tirará abaixo 4 vivendas (2 delas habitadas). Por iso, a última reunión de onte foi cos propietarios das vivendas.

    As vivendas atópanse no Camiño da Caldesiña (o camiño que vai entre a rúa Antón Losada Diéguez e o Cruceiro). No marxe esquerdo da rúa hai unha casa de pedra habitada e, no dereito, hai 3 vivendas (1 alugada e 2 deshabitadas). As 4 edificacións serán derrubadas para a construción dun vial que comezará no Cruceiro e para o que tamén haberá que derrubar parte dun muro de pedra para dirixirse á Travesía de América.

    Gonzalo Louzao, edil de urbanismo, explicou aos propietarios que o valor das súas vivendas determinaráse en función do valor de construción actual e o seu estado de conservación (o que faría unha inmobiliaria para vender a vivenda). Louzao explicou que non hai maneira posible de manter ditas edificacións no proxecto e que o derrubamento vén marcado xa polo Plan Xeral de Ordenación Municipal (PXOM). Xa no PXOM se prohibira a comstrución de novas vivendas na zona.

    Tampouco serán as únicas perdas de terreo neste proxecto, pois os propietarios de edificios que teñen fachada na Avenida de América perderán prácticamente por completo a finca traseira que teñen.

    Así será o desarrollo da Avenida de América

    Plano do desarrollo

    O desarrollo da Avenida de América será o segundo desarrollo baixo o amparo do PXOM e o primeiro de promoción pública (o outro, o da Avenida de Pontevedra, é de promoción privada). O proxecto xa vai con anos de demora.

    Nel, ampliaránse as rúas Forcarei e Cerdedo (a do Mister Pizza e a paralela), completaránse a rúa Bernardo Rodríguez e a 2ª Travesía de América e haberá un vial de servizo por detrás das vivendas traseiras da Avenida de América. Tamén se proxecta unha alameda de 15 metros de ancho, zonas para edificar con 3 plantas e baixo cuberta e, no terreo que se ía empregar para a construción do novo centro de saúde (finalmente construído na Baiuca), poderíase crear un parque mantendo a área boscosa actual.

    Os trámites administrativos durarían entre 3 e 4 anos e, despois, comezaría a comstrución deste proxecto.

    Imaxe: Faro de Vigo

  • Cando o amor se demostra na alameda

    Cando se estreou a alameda podíase bromear con que o chan era o lugar perfecto para os graffitis e, agora xa é unha realidade. A última praza do parque amenceu onte cunha declaración de amor a “A”. Unha declaración de amor escrita en negro, para que destaque ben entre tanto branco da alameda.

    A esta nova só lle queda engadir unha mensaxe a “A”, pois hai algúen namorado ou namorada del ou dela.

    Imaxe: Faro de Vigo

  • Esta noite emítese o programa de Calleja na Rapa das Bestas

    Esta noite emítese o programa de Calleja na Rapa das Bestas

    Hoxe ás 22.50 horas emitiráse en Cuatro o programa Volando Voy, que presenta Javier Calleja. Nel, visitará a Rapa das Bestas de Sabucedo e entrevistará a persoeiros importantes do concello como Chelo do Rejo.

  • Trasladan en helicóptero a un mozo da Estrada ferido por arma branca

    O helicóptero que se desprazou ata o Concello. LA VOZ DE GALICIA

    Sobre as 16h aterraba un helicóptero na Praza do Concello para trasladar a un mozo estradense ferido por arma blanca. Os feitos tiveron lugar no edificio da ruela da rúa Xusto Martínez, sobre as tres da tarde. Ata o lugar dos feitos desprazáronse equipos médicos acompañados da Policía Local e a Garda Civil. Segundo testigos, tres cuartos de hora despois saíron do edificio cun home ferido que tivo que ser desprazado en cadeira de rodas dado que era imposible manexar unha camilla no interior do edificio. O home presentaba vendaxes na garaganta e no peito. En principio o ferido estaba estable e non se temía pola súa vida, e foi desprazado ata o Clínico de Santiago.

    A Garda Civil investigou se as feridas por arma branca foron causadas por un accidente, se son autolesións ou se se trata dunha agresión. Finalmente determinouse que se trataban de autolesións

  • Ferido grave un estradense despois de caer desde 20 metros de altura en Ribeira

    Ferido grave un estradense despois de caer desde 20 metros de altura en Ribeira

    Un home de 43 anos correspondente ás iniciais C.P.G. e veciño do concello da Estrada, resultou ferido de extrema gravidade despois de caer desde unha altura duns 20 ou 25 metros. Ao parecer, o home estaba recollendo un dron que quedara enganchado nun eucalipto o pasado martes cando a cesta do brazo hidráulico rompeu por causas que aínda se decoñecen.

    O suceso foi nas proximidades do polígono de Xarás, en Ribeira, nas inmediacións da rotonda do final da Autovía do Barbanza. A vítima estaba traballando nunha empresa de enxeñaría nuns traballos vinculados coa futura instalación do McDonalds na zona.

    A caída produciuse sobre ás 16:45h. Desde o Centro Integrado de Atención ás Emerxencias 112 Galicia indicaron que recibiron unha chamada da Policía Local, que pedía asistencia médica urxente para un operario que caira desde varios metros de altura. Ata o lugar desprazáronse tamén unha ambulancia Soporte Vital Básico (SVB) con equipo médico do PAC de Ribeira e o helicóptero medicalizado H3 do 061, onde desprazaron ao accidentado ata o Hospital Clínico de Santiago. Alí confirmaron que o home de 43 anos sufriu varias fracturas.

  • Declarado un incendio forestal en Codeseda, A Estrada

    Icona do sitio
    Declarado un incendio forestal en Codeseda, A Estrada

  • Marque perde 24 segundos no prólogo da Volta a Portugal

    Onte comezou a Volta a Portugal cun prólogo por Lisboa. O percorrido era completamente chá por Lisboa.

    Prólogo. Volta a Portugal

    A loita contra o crono gañouna o portugués Rafael Reis (GLASSDRIVE / Q8 / ANICOLOR) cun tempo de 6 minutos 11 segundos. En segunda posición quedou o seu compañeiro de equipo e compatriota Mauricio Moreira, a 9 segundos. O podio conformouno o inglés do Trinity Racing Oliver Rees, co mesmo tempo que Moreira.

    A 24 segundos quedou o estradense Alexandre Marque. Atópase 32° na xeral. Na recta final do prólogo tivo un problema co radio da bicicleta, que tal e como declarou á RTP, tivo que colocalo el. Aínda así, non tivo oportundidadd de victoria.

    Álex Marque. RTP

    A etapa de hoxe sairá de Vila Franca de Xira e percorrerá 193km ata chegar a Elvas. As únicas dificultades coas que se atopará o pelotón serán varios repeitos e dous portos de cuarta categoría.

    Etapa 1. Volta a Portugal

  • O EDM ao final si que ascende á liga EBA

    O EDM ao final si que ascende á liga EBA

    O EDM Baloncesto A Estrada está preparado para facer historia. Tras varias semanas longas de duro traballo nos despachos, a directiva tomou a decisión de que este ano si que se aceptará a praza na Liga EBA. Na xornada de hoxe o equipo entregará o aval de 8.000 euros para pechar de forma definitiva o ascenso.

    No económico necesitouse duplicar o presuposto para chegar aos 70.000 euros para cumprir cos requisitos en canto a arbitraxes, desprazamentos e demais. “Vamos a ter que traballar moito”, afirmou onte o director do clube, Alfonso Sanmartín, sobre esta exisencia. Ademais, contarán co apoio de Xunta, Deputación e Concello.

    No deportivo o reto vai ser maior. Tras conseguir o ascenso, os xogadores pedíronlle á directiva o seu desexo de subir á Liga EBA, algo soñado despois de levar varias tempadas quedando nas posicións altas da táboa. Agora o equipo dará o salto a unha categoría na que esta tempada competiron equipos como o Gijón Basket, Ule Basket León e equipos galegos como o de Marín, Porriño e Silleda.

    David González seguirá liderando o equipo xunto a Pinone. Sen embargo, non contarán co director deportivo, David Carballo, máis coñecido como Bilba, que decidiu dar un paso ao lado.

    Na plantilla non se agardan grandes cambios, salvo algunha incorporación para reforzar posicións claves.

  • A Panorama porá punto e final ás festas de San Paio 2022 da Estrada

    A Panorama porá punto e final ás festas de San Paio 2022 da Estrada

    Día festivo na Estrada e tamén un tanto especial. Este ano as festas recuperáronse por completo e hoxe rematan.

    A programación do día comeza ás 11 da mañá coa Festa da Bicicleta. Ás 12, a Banda de Música Municipal da Estrada realizará un pasacalle e, ás 13h, dará un concerto na Alameda.

    Ás 18h haberá un pasacalle de Lume na Lareira. Ás 19h Lucía Azurmendi Grupo actuará na Praza do Mercado e, media hora despois (19.30h), comezará a representación teatral O Principiño, realizada pola Escola Municipal de Artes Escénicas no Teatro.

    Ás 20h dará inicio a Misa Cantada pola Coral Polifónica Estradense. Despois será a procesión do Santísimo, que corre a cargo das Bandas de Música Municipal da Estrada e Militar da Brilat. A posteriori, haberá un desfile e un posterior concerto na Praza do Concello.

    Ás 21h abrirán os polbeiros na Carballeira da Feira e ás 22.30h comezará o primeiro pase dunha das orquestras que máis veces visitou o concello nos últimos anos: a Panorama. Ás 00.30h desde a Cañoteira lanzaránse os fogos fin de festa e, á 1, a Panorama comezará o seu segundo pase para poñerlle broche final ás festas.

  • A música tradicional e o deporte serán protagonistas na xornada de hoxe

    A música tradicional e o deporte serán protagonistas na xornada de hoxe

    Chova ou faga sol, este ano as San Paio regresan ao que eran antes da pandemia, e o Concello está facendo todo o posible para manter todos os actos. Deste xeito, as actividades que onte se celebraban ao aire libre finalmente realizáronse en espazos pechados.

    E hoxe é un dos días grandes das festas. As actividades comezarán co 3×3 de baloncesto que se celebrará no Coto Ferreiro. A música comezará a soar ás 11.00h coa Charanga Os Atrevidos e, unha hora despois (12.00h), a Banda de Gaitas de Barbude, Malante de Malpica e a Orquestra de Foles de Portugal realizarán un pasacalle.

    Ás 13h haberá un pintacaras a cargo de @mepintakiki na Zona dos Viños e, na rúa Ulla, unha Sesión Vermú a cargo de Supermirafiori.

    Pola tarde continuará o 3×3 de baloncesto e ás 16h daráse a saída do VIII Trofeo de Ciclismo Concello da Estrada nos arredores do IES Manuel García Barros. Ás 18h osmciclistas regresarán ao punto de saída e a Charanga Os Atrevidos volverá a realizar un pasacalle.

    Ás 19h os máis pequenos poderán desfrutar cos Bolechas na Praza do Mercado. Media hora máis tarde dará inicio o Festival de Música Tradicional no que actuarán a Banda de Gaitas de Barbude, Malante de Malpica e a Orquestra de Foles de Portugal.

    Ás 20.30h haberá unha sesión DJ a cargo de I.T.Y.F b2b hortical na Zona dos Viños. Ás 21h, a Orquestra Galilea realizará o seu primeiro pase para darlle paso ás 22.30h á Gala Tequexetéldere XXX Aniversario xunto coa Banda de Música Municipal da Estrada. Ás 23.30h volverá a actuar a Orquestra Galilea e, ás 24h, comezará o Start of Summer Festival con Henry Mendez, Groove Amigos, Carlos López, Zana, Pedro Rivis, Alex Brea, Xabi Villar e Iván Campos na Alameda.