Unha muller morreu este xoves durante a Cabalgata de Reis Magos de Marchena (Sevilla), tras ser atropelada polo tractor que tiraba dunha das carrozas, segundo informou Emerxencias Sevilla en Twitter.
O suceso produciuse sobre as 20.15h cando o tractor perdera o control e caíra costa abaixo batendo contra unha parede.
Hai alomenos 5 feridos, varios deles graves, entre eles un neno.
Un suboficial do Exército do Aire destinado nunha base de Alemaña e un instrutor de voos privados morreron este xoves nun accidente cando pilotaban unha avioneta nas proximidades do aeródromo Os Garranchos en San Javier, Murcia.
Polo momento descoñécense as causas do accidente, que se produciu a 500 metros do aeródromo.
Varias localidades e institucións vestíronse de loito polas sete vítimas mortais do accidente de autobús de Cerdedo-Cotobade.
A vítima máis nova, de 21 anos, era unha promesa do boxeo galego. Trátase de Eneas Valverde Ruibal, un veciño de Nigrán que regresaba a casa desde Lugo, onde estudaba. O Concello decretou 3 días de loito oficial.
Outros dous dos falecidos son nai e fillo. Falamos de Cruz Castro Eiras -unha xubilada que traballou nunha pastelería- e Jaime Val Castro. Ambos residían en Lalín pero eran naturais de Agolada.
De Agolada tamén era María Mercedes Castro Blanco, de 58 anos. Era unha gandeira xa xubilada e exmuller dun concelleiro do PP da localidade.
A educación vistiuse de loito por Guadalupe Díaz González, de 44 anos. Era natural de Lugo, pero residía en Lalín. Tiña dous fillos de 8 e 5 anos e impartía clases de lingua castelá e literatura no IES Número 1 do Carballiño, onde comezara este ano, aínda que tamén formou alumnos en Lalín, nos IES Laxeiro e Ramón María Aller Ulloa.
A sexta vítima é Edit, unha muller peruana residente en Soutomaior que collera o autobús na parada anterior ao accidente porque saíra de traballar da vivenda na que coidaba a unha persoa maior.
Da sétima vítima, rescatada esta mañá, só se sabe que se trata dunha muller duns 50 anos que acompañaba á sobrevivinte.
Os Concellos de Nigrán, Agolada, Lalín e Cerdedo-Cotobade decretaron varios días de loito oficial e as bandeiras ondean a media asta.
Todas as familias dos falecidos recibiron apoio psicolóxico
Os operativos de emerxencias desprazados ata Pedre en Cerdedo-Cotobade polo accidente no que un autobús caiu ao río Lérez acaban de atopar un terceiro corpo polo que pasan a ser 3 os mortos, 2 os desaparecidos e 2 os rescatados con vida.
2 mortos e 3 desaparecidos ao caer un autobús ao río Lérez en Cerdedo-Cotobade
Retomada a busca dos 3 desaparecidos no accidente de autobús de Cerdedo-Cotobade
Esta mañá retomouse a busca dos 3 desaparecidos no accidente de autobús que se produciu onte á noite en Cerdedo-Cotobade: nel un autobús pertencente á empresa Monbus precipitouse ao río Lérez ao seu paso por Pedre. A busca foron suspendida onte á noite polas malas condicións que se rexistraban: “Un elevado caudal do río Lérez, moita corrente e un nivel de auga no interior do autocar que xa tocaba o teito do vehículo”.
Durante a noite conseguiuse rescatar con vida ao condutor do vehículo, C. M. C., de 63 anos, e a unha muller, M. R. G. R. Ambos foron trasladados aos hospitais Clínico de Santiago e Montecelo, respectivamente. Ademais, tamén se atoparon os corpos de outros dous ocupantes.
Alomenos 2 persoas morreron e 3 están desaparecidas tras a caída dun autobús ao río Lérez ao seu paso por Cerdedo-Cotobade.
O accidente tivo lugar sonre ás 21.35 horas deste sábado, cando un autobús da empresa Monbus da liña regular entre Lugo e Vigo caiu ao río á altura do quilómetro 67,5 da N-451, na parroquia de Pedre.
Os bombeiros puideron rescatar con vida ao condutor do vehículo e a unha muller, mentras atopouse a dúas persoas falecidas e tres persoas atópanse desaparecidas.
Ata o lugar desprazáronse efectivos de Emerxencias A Estrada, Bombeiros do Deza, Bombeiros de Pontevedra, Bombeiros de Ribadumia, Protección Civil de Cerdedo-Cotobade e ambulancias do 061.
A Policía Nacional está inspeccionando os dous xulgados de Santiago de Compostela e a Cidade da Cultura por “ameaza de bomba”.
Fontes do alto tribunal confirmaron que a Policía Nacional “avisou ao xuíz decano de Santiago de Compostela dunha chamada cunha ameaza de bomba”, polo que o maxistrado “tomou inmediatamente a decisión de desaloxar os dous edificios xudiciais de Santiago ata que os Técnicos Especialistas en Desactivación de Artefactos Explosivos (Tedax) inspeccionen ambos os inmobles”.
Ademais, a zona da Cidade da Cidade da Cultura habilitada para o xuízo do Alvia “tamén está a ser inspeccionada, ao considerarse agora consinto sede xudicial”, xa que desde esta semana é a sala de vistas máis grande de Galicia preparada para o macroxuízo polo descarrilamento do tren.
Tamén se desaloxou o vacinódromo que abriu hoxe na Cidade da Cultura.
Un home de 43 anos correspondente ás iniciais C.P.G. e veciño do concello da Estrada, resultou ferido de extrema gravidade despois de caer desde unha altura duns 20 ou 25 metros. Ao parecer, o home estaba recollendo un dron que quedara enganchado nun eucalipto o pasado martes cando a cesta do brazo hidráulico rompeu por causas que aínda se decoñecen.
O suceso foi nas proximidades do polígono de Xarás, en Ribeira, nas inmediacións da rotonda do final da Autovía do Barbanza. A vítima estaba traballando nunha empresa de enxeñaría nuns traballos vinculados coa futura instalación do McDonalds na zona.
A caída produciuse sobre ás 16:45h. Desde o Centro Integrado de Atención ás Emerxencias 112 Galicia indicaron que recibiron unha chamada da Policía Local, que pedía asistencia médica urxente para un operario que caira desde varios metros de altura. Ata o lugar desprazáronse tamén unha ambulancia Soporte Vital Básico (SVB) con equipo médico do PAC de Ribeira e o helicóptero medicalizado H3 do 061, onde desprazaron ao accidentado ata o Hospital Clínico de Santiago. Alí confirmaron que o home de 43 anos sufriu varias fracturas.
Xornal da Estrada 