Etiqueta: Asturias
-
Morren dúas mellizas de 12 anos ao caer desde un sexto en Oviedo
A policía descartou a participación de terceiros. As rapazas residían no cuarto piso do edificio e tiñan un irmán de 10 anos. Segundo compañeiros do colexio, as rapazas eran vítimas de bullying.
-
DIRECTO: INCENDIOS FORESTAIS| O lume atópase ás portas de Oviedo
O norte de España está vivindo unha vaga de incendios. En Asturias hai un total de 121 incendios forestais repartidos en 35 concellos. Hai un total de 375 desaloxados e está ardendo o monte Naranco nas proximidades de Oviedo.
Directo
22.31
O INCENDIO DO MONTE NARANCO, CONTROLADO| A área de Seguridade Cidadá do Concello de Oviedo confirmou que o incendio declarado de madrugada no monte Naranco xa está controlado. Quedan os bombeiros de Oviedo do turno de día vixiando.
20.32
96 FOCOS ACTIVOS EN ASTURIAS| O Servizo de Emerxencias do Principado de Asturias(SEPA) contabiliza 96 incendios forestais en Asturias. Valdés continúa sendo o concello no que se concentran as labores de extinción.
20.31
REDÚCENSE OS FOCOS DO NARANCO| Dos doce focos que se declaraban onte a noite só quedan activos dous.
19.09
GALICIA COLABORA CON ASTURIAS| Un operativo composto por distintos medios anti incendios partiu este venres de Galicia con destino Asturias para colaborar nos traballos de extinción dos incendios. O operativo está composto por tres brigadas, un axente, un técnico e dúas motobombas, todos eles pertencentes ao Servizo de prevención e extinción, informou Medio Rural
19.07
TRES ESTRADAS AUTONÓMICAS PECHADAS EN ASTURIAS| Continúan pechadas tres estradas autonómicas por culpa dos incendios.
18.33
“EVITA SAÍR DA CASA”| A Directora de Saúde Pública do Principado de Asturias, Lidia Clara Rodríguez, aconsellou hoxe aos veciños que saian das súas vivendas o mínimo posible e que se usen máscaras FFP2 en caso de ter que facelo. Esta recomendación prodúcese pola alta contaminación que hai na comunidade.
17.43
TRANSPORTE SUSPENDIDO| O Principado de Asturias suspende os plans de transporte especial aos Lagos de Covadonga.
17.15
AS CHUVIAS CHEGARÁN MAÑÁ| Ao longo desta noite entrarán precipitacións que axudarán na extinción dos incendios.
17.04
NIVEIS DE RISCO| Estes son os niveis de risco de incendios nestes momentos en Asturias.
Niveis de risco de incendio. AEMET
17.03
Reaberto o tráfico ferroviario en Cadavedo.
16.57
O 112 de Asturias recomenda á poboación da zona afectada que, se o lume é pequeno, o ataque.
16.51
EXTINGUIDO O INCENDIO DE BALEIRA (LUGO)| Queimou 1400 hectáreas, 1100 de monte raso.
16.38
ARDE NAS PROXIMIDADES DE OVIEDO| A primeira hora da mañá, os veciños de Oviedo atopáronse con todo o monte Naranco ardendo. Este incendio provocou que os veciños da zona de Lillo quedaran sen suministro de auga.
Arde o monte Naranco. EFE
16.34
Boas tardes, comezamos un seguimento especial sobre a situación dos incendios forestais no norte de España.
-
Quéimase España: primeira vaga de incendios do ano
Estabilizado o incendio que comezou o pasado martes no concello de Baleira. Xa arrasou 1400 hectáreas e desactivouse a situación 2, polo que se puido realoxar aos desaloxados.
En Taboada extinguiuse o incendio que comezou onte e afectou 8 hectáreas. En Asturias os 20 desaloxados puideron volver as súas vivendas. Na comunidade hai unha centena de focos repartidos por 35 municipios. Os incendios máis graves están no oeste. En Castelló varios veciños xa puideron regresar as súas casas e os bombeiros vixían que non se produzan reproducións.
En Cantabria hai 31 incendios activos e un deles afecta ao Parque Natural dos Picos de Europa. En Cáceres un incendio continúa medrando despois de iniciarse en Puerto de Béjar (Salamanca).
-
Desaloxadas varias aldeas de Baleira e da Fonsagrada pola proximidade do lume ás casas no que é o primeiro gran incendio forestal do ano en Galicia
O incendio declarado martes en Baleira (comarca da Fonsagrada) calcinou xa tería calcinado 700 hectáreas e trataríase do primeiro gran incendio forestal do ano en Galicia. Desaloxáronse variaas aldeas de Baleira e da Fonsagrada pola proximidade do lume ás casas, polo que tamén se activou a situación 2. Ata o momento mobilizáronse para controlalo 3 técnicos, 13 axentes, 27 brigadas, 13 motobombas, 1 pa, 2 avións e 3 helicópteros.
O Presidente da Xunta de Galicia afirmou nun chío que “a prioridade é a atención aos desaloxados e pedir máxima precaución aos afectados” e que “non pararemos ata extinguilos non ata saber as causas”.
Relacionado
Ademais, ao longo da xornada deste mércores declaráronse varios incendios forestais na nosa comunidade: no concello lugués de Taboada arderon, segundo os últimos datos da Consellería de Medio Rural, 20 hectáreas; en Alfoz, 70 hectáreas; en Entrimo arderon 10 hectáreas no Parque natural da Baixa Limia-Serra do Xurés, en Viveiro queimáronse 80 hectáreas nun incendio xa estabilizado e, en Viana do Bolo, logrouse controlar un incendio que calcinou 70 hectáreas.
Fóra de Galiza, en Asturias tamén están vivindo unha situación moi complicada e xa arderon varias vivendas e hai 4 desaloxados. A UME despregouse para axudar nas labores de extinción dos incendios que, na súa maioría, son pequenos conatos.
Situación perfecta
A virulencia destes incendios non é casualidade, pois estamos ante xornadas de calor, escasa chuvia e fortes refachos de vento. Ademais súmase que os nosos montes están moi mal coidados.
Xornal da Estrada 