Servizos

O Mercadiño

Necrolóxicas

Axenda

Outros

Vivenda

As propostas de Luis López Bueno

Etiqueta: Cerdedo-Cotobade

  • Cerdedo festexa na honra do Divino Ecce-Homo e da Virxe das Dores

    Cerdedo festexa na honra do Divino Ecce-Homo e da Virxe das Dores

    Este venres 28 continuarán os actos das festas de Cerdedo na honra do Divino Ecce-Homo e da Virxe das Dores. Os festexos comezaran o sábado co concerto de Mercedes Peón.

    O venres haberá unha verbena a cargo de París de Noia e Unión y Fuerza. O sábado, a mañá comezará cun pasarrúas a cargo do Grupo de Gaitas Os Abrentes de Cerdedo. Ás 12.00h oficiaráse unha misa solemne cantada polo coro parroquial. A partir das 18.00h a Charanga OT amenizará as rúas. Pola noite actuarán o Grupo Tania Veiras e Diskoteca co DJ JJ Compota. Á 1 da madrugada tiraránse fogos de artificio.

    O domingo ás 12.30h oficiaráse unha misa cantada polo coro parroquial. A Banda de Música de Cerdedo amenizará as rúas da localidade antes da misa e dará un concerto ás 20.00h na Praza do Concello. A partir das 22.00h celebraráse a última verbena da edición da man do Trío Tic Tac.

  • Mercedes Peón actuará en Cerdedo-Cotobade

    Mercedes Peón actuará en Cerdedo-Cotobade

    Este sábado a partir das 22.30h a cantante Mercedes Peón actuará na Praza do Concello de Cerdedo. Esta actuación está enmarcada no proxecto Cerdedo-Cotobade en Sons.

  • Este sábado celébrase a XII Mostra de Trazantes de Tenorio

    Este sábado celébrase a XII Mostra de Trazantes de Tenorio

    Sábado de Mostra de Trazantes en Tenorio (Cerdedo-Cotobade). Este acto estará amenizado a partir das 19.00h polos grupos Os Trazantes de Tenorio, Rancho Folclórico do Centro Cultural de Río de Moinhos e Obradoiro de Cultura Tradicional Chorima de Rois. A partir das 21.00h actuará Son das Tabernas.

  • Sábado de romaría en Santa Mariña do Seixo

    Sábado de romaría en Santa Mariña do Seixo

    Este sábado celébrase a Romaría de Santa Mariña do Seixo (Cerdedo-Cotobade). O festexo comezará ás 13.00h coa misa solemne e a posterior procesión amenizada polo grupo de gaitas Foula de Tenorio. Dito grupo realizará un percorrido ao longo da tarde pola zona. Á noite, verbena a cargo do DJ Jony Maez.

    Ademais, haberá servizo de bar e postos con callos, raxo e filloas e un hinchable acuático.

  • Accidente con atrapados en Cerdedo-Cotobade

    Accidente con atrapados en Cerdedo-Cotobade

    Sobre ás 19.30h o 112 recibiu un aviso dun accidente con atrapados en Pedre (Cerdedo-Cotobade). O vehículo caeu por un terraplén e, finalmente, os ocupantes conseguiron saír polo seu propio pé. Os accidentados foron atendidos polo 061. Ata o lugar tamén se desprazaron Emerxencias A Estrada, os Bombeiros de Silleda e Protección Civil de Cerdedo-Cotobade.

    Tal e como se mostra no mapa de incidencias do 112, o accidente produciuse na N-541, a poucos metros de onde este Nadal un autobús caeu ao río Lérez.

    Ubicación do accidente. // 112
  • Besteiro reivindica a inversión do Goberno nos concellos

    Besteiro reivindica a inversión do Goberno nos concellos

    O delegado do Goberno en Galicia, José Ramón Gómez Besteiro, visitou varios concellos de Deza e Tabeirós-Terra de Montes. Na Estrada acompañou a Luis López Bueno na presentación do seu proxecto estrela: a cesión gratuíta do vello ambulatorio para, previa reforma, albergar os servizos que xa se ofrecen a nivel municipal, pero ampliando prazas. Tamén trasladou a Besteiro a súa proposta de humanizar a N-640 ao seu paso polo casco urbano e reclamou unha solución por Liñares.

    En Lalín, o delegado reivindicou as “grandes inversións” do Goberno no concello. Acompañado pola condidata Alba Forno, visitou a Praza de Abastos que se vai reformar con 1 millón de euros dos fondos de recuperación “que conseguiu Pedro Sánchez de Europa”. Ademais, sinalou que a reforma foi pactada durante o goberno de coalición e que é unha medida “moi agardada” polos praceiros. Tamén lamentou que Lalín “perda oportunidades únicas” para reformar a piscina vella ou o pavillón.

    En Cerdedo-Cotobade desprazouse ata a ponte de Pedre, onde o pasado decembro produciuse un tráxico accidente de autobús, para ratificar o seu compromiso para reforzar a seguridade vial na N-541 nun tramo de 17km entre Cerdedo-Cotobade e Forcarei.

  • Unha mestra nai de dous fillos, unha promesa do boxeo galego… estas son as vítimas do accidente de autobús de Cerdedo-Cotobade

    Unha mestra nai de dous fillos, unha promesa do boxeo galego… estas son as vítimas do accidente de autobús de Cerdedo-Cotobade

    Varias localidades e institucións vestíronse de loito polas sete vítimas mortais do accidente de autobús de Cerdedo-Cotobade.

    A vítima máis nova, de 21 anos, era unha promesa do boxeo galego. Trátase de Eneas Valverde Ruibal, un veciño de Nigrán que regresaba a casa desde Lugo, onde estudaba. O Concello decretou 3 días de loito oficial.

    Outros dous dos falecidos son nai e fillo. Falamos de Cruz Castro Eiras -unha xubilada que traballou nunha pastelería- e Jaime Val Castro. Ambos residían en Lalín pero eran naturais de Agolada.

    De Agolada tamén era María Mercedes Castro Blanco, de 58 anos. Era unha gandeira xa xubilada e exmuller dun concelleiro do PP da localidade.

    A educación vistiuse de loito por Guadalupe Díaz González, de 44 anos. Era natural de Lugo, pero residía en Lalín. Tiña dous fillos de 8 e 5 anos e impartía clases de lingua castelá e literatura no IES Número 1 do Carballiño, onde comezara este ano, aínda que tamén formou alumnos en Lalín, nos IES Laxeiro e Ramón María Aller Ulloa.

    https://www.instagram.com/p/CmmRZ7wIRtK/?igshid=YmMyMTA2M2Y=

    A sexta vítima é Edit, unha muller peruana residente en Soutomaior que collera o autobús na parada anterior ao accidente porque saíra de traballar da vivenda na que coidaba a unha persoa maior.

    Da sétima vítima, rescatada esta mañá, só se sabe que se trata dunha muller duns 50 anos que acompañaba á sobrevivinte.

    Os Concellos de Nigrán, Agolada, Lalín e Cerdedo-Cotobade decretaron varios días de loito oficial e as bandeiras ondean a media asta.

    Todas as familias dos falecidos recibiron apoio psicolóxico

  • Atópase un terceiro cadáver no accidente de autobús en Cerdedo-Cotobade

    Atópase un terceiro cadáver no accidente de autobús en Cerdedo-Cotobade

    Os operativos de emerxencias desprazados ata Pedre en Cerdedo-Cotobade polo accidente no que un autobús caiu ao río Lérez acaban de atopar un terceiro corpo polo que pasan a ser 3 os mortos, 2 os desaparecidos e 2 os rescatados con vida.

    Noticias relacionadas:

    2 mortos e 3 desaparecidos ao caer un autobús ao río Lérez en Cerdedo-Cotobade

    Retomada a busca dos 3 desaparecidos no accidente de autobús de Cerdedo-Cotobade

  • Reanudada a busca dos 3 desaparecidos no accidente de autobús en Cerdedo-Cotobade

    Reanudada a busca dos 3 desaparecidos no accidente de autobús en Cerdedo-Cotobade

    Esta mañá retomouse a busca dos 3 desaparecidos no accidente de autobús que se produciu onte á noite en Cerdedo-Cotobade: nel un autobús pertencente á empresa Monbus precipitouse ao río Lérez ao seu paso por Pedre. A busca foron suspendida onte á noite polas malas condicións que se rexistraban: “Un elevado caudal do río Lérez, moita corrente e un nivel de auga no interior do autocar que xa tocaba o teito do vehículo”.

    Durante a noite conseguiuse rescatar con vida ao condutor do vehículo, C. M. C., de 63 anos, e a unha muller, M. R. G. R. Ambos foron trasladados aos hospitais Clínico de Santiago e Montecelo, respectivamente. Ademais, tamén se atoparon os corpos de outros dous ocupantes.

  • ÚLTIMA HORA: Alomenos 2 mortos e 3 desaparecidos ao caer un autobúas ao río Lérez en Cerdedo-Cotobade

    ÚLTIMA HORA: Alomenos 2 mortos e 3 desaparecidos ao caer un autobúas ao río Lérez en Cerdedo-Cotobade

    Alomenos 2 persoas morreron e 3 están desaparecidas tras a caída dun autobús ao río Lérez ao seu paso por Cerdedo-Cotobade.

    O accidente tivo lugar sonre ás 21.35 horas deste sábado, cando un autobús da empresa Monbus da liña regular entre Lugo e Vigo caiu ao río á altura do quilómetro 67,5 da N-451, na parroquia de Pedre.

    Os bombeiros puideron rescatar con vida ao condutor do vehículo e a unha muller, mentras atopouse a dúas persoas falecidas e tres persoas atópanse desaparecidas.

    Ata o lugar desprazáronse efectivos de Emerxencias A Estrada, Bombeiros do Deza, Bombeiros de Pontevedra, Bombeiros de Ribadumia, Protección Civil de Cerdedo-Cotobade e ambulancias do 061.