O Sporting Estrada logrou un histórico ascenso a Primeira Autonómica ao gañarlle 0-2 ao Vea. O Vea e o Estradense B xogarán os playoffs de ascenso.
Etiqueta: fútbol
-
O Barça gaña a Liga
Proclamouse campión cunha goleada ao Espanyol (2-4). A celebración dos blaugranas viuse empañada pola invasión do campo por parte de ultras do Espanyol.
-
Morre Pelé, ‘O Rei’ do fútbol que gañou tres mundiais
Edson Arantes do Nascimiento ‘Pelé’ morreu este 29 de decembro aos 82 anos de idade tras unha dura loita contra o cancro. Hai 1 mes fora ingresado tras presentar hinchazón xeralizada e ante a preocupación dos médicos, que remataron interrompendo o tratamento de quimioterapia ao non responder a el. Tras un mes ingresado, a súa saúde empeorou este Nadal e rematou falecendo.
O brasileiro foi diagnosticado con cancro de colon o pasado ano 2021 e, pouco despois, foi intervido cirúrxicamente para extirparlle o tumor. Sen embargo, a principios deste ano, os médicos confirmaron que a enfermidade estendérase e estaba sufrindo metástase en varios dos seus órganos.
O Rei naceu o 23 de outubro de 1940. Durante a súa carreira como futbolista marcou 767 goles en partidos oficiais, 1283 en toda a súa carreira en 1367 partidos, incluindo amistosos.
O único que gañou tres mundiais
En 21 anos como futbolista levantou 31 títulos, entre os que se inclúen 3 mundiais, 2 Copas Libertadores, dúas Copas Intercontinentais, unha Supercopa de Campións Internacionais e seis títulos nacionais co Santos e outro co Cosmos neorquino.
O seu último partido foi un Cosmos-Santos, no que xogou unha metade con cada equipo.
-
Empeora a saúde de Pelé: sofre disfunción renal e cardíaca
O astro brasileiro Edson Arantes do Nascimento ‘Pelé’, hospitalizado desde fai 3 semanas en São Paulo, está recibindo coidados relacionados con “disfuncións renais e cardíacas”, provocadas pola mala evolución do cancro de colon que sofre, informaron este mércores os médicos.
Pelé, en tratamento polo cancro, “presenta unha progresión da enfermidade oncolóxica e require maiores coidados relacionados con disfuncións renais e cardíacas”, sinalou o Hospital Albert Einstein, onde está ingresado desde o pasado 29 de novembro.
‘O Rei’ “continúa ingresado nun cuarto común, baixo os coidados médicos necesarios do equipo médico”. Minutos antes do informe médico, as súas fillas informaban de que o seu pai pasará o Nadal no hospital.
Pelé leva tres semanas ingresado para revaluar o tratamento de quimioterapia contra o tumor de colon -do que se operou en setembro de 2021- e superar unha “infección respiratoria” que se lle detectou días despois.
-
“Que cuadrilla de estafadores los follacabras estos”
Desde que se anunciou que o Arenteiro xogaría a segunda eliminatoria da Copa do Rei contra o Atlético de Madrid, o equipo galego está sufrindo unha campaña de acoso nas redes sociais. Insultos como “follacabras” son empregados polos internautas para referirse ao equipo local.
A última vaga de insultos comezou co anuncio de aforos e prezos das entradas – 30€ socios e 60€ non socios. As respostas a este tweet van desde un “Que cuadrilla de estafadores… los follacabras estos” a un “Hablan en gallego porque no les da para más”.
Aínda así, os de Madrid tampouco se libraron da resposta dalgún ao que lle molestou a crítica polo prezo.
-
Non foi Malta, pero aínda así foi goleada
Tras unha espectacular primeira parte de España, a segunda parte comezou cun 3-0 a favor dos nosos. España continuou sendo a dominante e, no minuto 54, Ferrán Torres marcaba o seu segundo gol no partido. Xa no minuto 75, Gavi poñía o 5-0 e convertíase no goleador da Selección máis novo. Chegaba o minuto 90 e Carlos Soler marcaba o sexto gol do partido e da Selección e, 2 minutos despois, Álvaro Morata poñía o 7-0 no marcador.
Pola súa banda, Costa Rica non realizou ningún tiro.
España é primeira de grupo grazas á diferencia de goles, seguida de Xapón que hoxe dou a sorpresa ao gañarlle a Alemaña 1-2. Xusto será Alemaña o seguinte rival dos españois.
-
España impónse a Costa Rica na primeira parte
Tras quedar eliminados en oitavos hai 4 anos e gañar o Mundial hai 12, é momento de que a Selección vilva a facer historia e os seus primeiros 45 minutos de Mundial son envidiables: no minuto 11 Dani Olmo marcaba o primeiro gol, 10 minutos despois Marco Asensio anotou o segundo e, no minuto 31, Ferrán Torres marcou o terceiro de penalti.
Unha primeira parte de España que contrasta considerablemente coa de Costa Rica, que apenas se achegou á portería que defende Unai Simón.
Actualmente, España é a líder virtual do grupo E, no que Xapón dou a sorpresa ao gañarlle a Alemaña 1-2.
-
Luis Enrique fai pública a lista cos 26 seleccionados para o Mundial
O vindeiro 20 de novembro comeza o Mundial de Qatar co Qatar-Ecuador e hoxe Luis Enrique, seleccionador español, anunciou a lista dos 26 que viaxarán ao país asiático.
1668960000días
horas minutos segundos
hasta
Mundial de Qatar
O debut dos españois será o mércores 23 ante Costa Rica e, entre as novidades dos convocados, atopamos a Hugo Guillamón, a Yéremi Pino, a Ansu Fati e a Nico Williams.
A lista completa é a seguinte:
- Porteiros: Unai Simón, Robert Sánchez e David Raya.
- Defensas: Carvajal, Azpilicueta , Eric Garcia, Hugo Guillamón, Laporte, Pau Torres, Jordi Alba e Gayà.
- Centrocampistas: Busquets, Rodrigo, Pedri, Gavi, Koke, Marcos Llorente e Carlos Soler.
- Dianteiros: Morata, Ferran, Dani Olmo, Nico Williams, Sarabia, Marco Asensio, Yeremy Pino e Ansu Fati.
Como de costume, polémicas
As reaccións á convocatoria non se fixeron agardar e a xente criticou a ausencia de xogadores como Iago Aspas ou Sergio Ramos.
Xornal da Estrada 