NADAL 2025/26

Consulte a programación na Estrada

Etiqueta: guerra ucraína

  • Putin ten minada a central nuclear máis grande de Europa, segundo Ucraína

    Putin ten minada a central nuclear máis grande de Europa, segundo Ucraína

    As autoridades ucraínas atópanse en alerta máxima dado que Rusia podería voar a central nuclear de Zaporiyia, en Ucraína. Esta central é a máis grande de Europa e, segundo Zelensky- o presidente de Ucraína-, a comunidade internacional non presta a atención suficiente á “ameaza rusa” sobre esta central. Segundo afirmou, compartiu esta inormación cos socios de Ucraína para “previr calquera accidente de radiación”.

    O pasado venres o xefe da intelixencia militar ucraína, Kyrylo Budanov, alertou de que Rusia estaría preparando un ataque a dita planta nulear. Segundo comentou nunha entrevista na revista New Statesman, Rusia xa tería rematado os preparativos para atacala en caso de darse algunha das dúas posibles situacións.

    A primeira situación sería facela estourar no momento no que Rusia perda o control sobre a beira esquerda do río Dniéper. Deste xeito, crearíase unha zona de destrucción e exclusión que pararía a contraofensiva ucraína.

    O segundo escenario sería empregar o desastre nuclear como “medida preventiva” antes de que comezara a contraofensiva dos invadidos.

    Para levar a cabo isto, detallou Budanov, o Kremlim minou as plantas de enfriamento da central, polo que os reactores poderían derreterse nun prazo de 10 horas a 14 días. Ademais, terían trasladado vehículos explosivos a catro das seis unidades de potencia da central. “A situación nunca foi tan grave como agora”, asegurou.

    Como consecuencia, o Ministerio de Interior ucraíno ten a tarefa de preparar a poboación para aprender a responder ante unha posible catástrofe nuclear.

  • Rusia acusa a Ucraína de atacar o Kremlin

    Rusia acusa a Ucraína de atacar o Kremlin

    O Kremlin sufriu un ataque cun dron. Rusia acusa a Ucraína de atacalos e de intentar matar a Putin. Ucraína negou calquera tipo de responsabilidade e lembrou que o seu obxectivo é “liberar o seu propio territorio”, non “atacar o dos outros”.

  • Rusia anuncia a toma do centro de Bakhmut

    Rusia anuncia a toma do centro de Bakhmut

    Tras varias semanas de longos e duros enfrontamentos, o grupo Wagner anunciou esta noite que tomaron a cidade ucraína de Bakhmut. Aínda así, as tropas locais aínda permanecen nos barrios occidentais da cidade. Segundo a información aportada por cada bando, os rusos terían o control do centro da cidade e da Administración.

    Polo momento, Ucraína non recoñece a vitoria rusa.

    Tribunais rusos en territorios ucraínos anexionados

    O presidente ruso, Vladímir Putin, firmou o paquete de leis que establecen a creación de tribunais en Donetsk, Lugansk, Khersón e Zaporiyia, os territorios anexionados polos rusos.

    Unha detida por realizar un atentado en San Peterburgo

    Daria Trepova, principal sospeitosa do atentado. TELEGRAM

    As forzas de seguridade rusas detiveron este luns a Daria Trepova, principal sospeitosa de realizar un atentado nunha cafetería de San Petersburgo no que morreron unha trintena de persoas, entre elas o blogueiro militar prorruso Vladlen Tatarski.

    “Baixo sospeita de participación na explosión dun café en San Petersburgo, os empregados do Comité de Investigación de Rusia, xunto cos servizos operativos, detiveron a Daria Trepova”

    Comité de Investigación, vía Telegram

    Trepova, unha moza de 26 anos fora declarada en busca e captura este domingo polo Ministerio do Interior de Rusia. A policía arrestou a varios dos seus familiares para que axudaran a localizar a moza.

    Segundo informaron medios rusos, Trepova foi arrestada no apartamento dun amigo do seu marido, cortara o pelo e tiña billetes de avión a Uzbekistán para fuxir do país.

    Os informes policiais revelan que Trepova mantivera conversacións por mensaxe con Tatarsky antes do atentado e que tamén asistira a outros eventos nos que participou.

    Russia Today informou de que o marido de Trepova, Dmitry Rylov, é un disidente ruso que se estableceu no estranxeiro para fuxir da movilización ordeada por Putin para combater en Ucraína. Ademais, é un dos firmantes do movemento Liberdade para Navalny, que pide liberdade para o opositor ruso Alekséi Navalni.

    As autoridades rusas relacionan a Trepova cos servizos de intelixencia de Ucraína, a quenes responsabilizan de estar detrás do atentado.

  • REPOR| A guerra que non apagou a maxia do Nadal

    REPOR| A guerra que non apagou a maxia do Nadal

    Estamos nunha época de felicidade, maxia e luz. Pero en Ucraína tamén están en guerra. E Putin atacou as infraestruturas enerxéticas para que o país quedara sen luz e calefacción nunha época no que o duro inverno fai acto de presencia en Ucraína.

    Pese a que hai poucas horas con electricidade en Kíiv, o Nadal non morreu. Na praza da catedral de Santa Sofía colocouse o que se chamou a Árbore de Nadal da Invencibilidade. Está decorado con pombas brancas de papel maché e unha franxa de luces azuis e amarelas e é alimentado por un xerador a diésel.

    A árbore da invencibilidade, Kíiv

    Este ano é escasa a decoración de Nadal, pero a que hai ten un toque patriótico co uso das cores azul e amarelo da bandeira ucraína.

    A árbore de Nadal de Ivano-Frankivs é unha armazón metálica decorada con anxos e lemas patrióticos e das cidades recuperadas.

    En Kropivnitski colocaron 12 pequenas árbores de Nadal en apoio ás cidades que máis sufriron. Entre elas atópanse Bucha e Mariupol.

    Nicolaiev cubriu a súa estatua de San Nicolás con sacos de area e, por estas datas, cubrírona cunha malla de camuflaxe verde.

    Khárkov non exhibe a tradicional árbore na praza central, senon nunha estación de metro na que se refuxia a poboación dos ataques de artillería. O alcalde da cidade dixo que mantería esta tradición incluso despois da guerra.

    En Kíiv teñen unha árbore que se acende cando alguén pedalea nunha bicicleta.

    Resumindo, o pobo ucraíno demostrou que, ata nos peores escenarios, o Nadal nunca perde a súa maxia.

  • Dous misís, posiblemente rusos, caen en territorio da OTAN

    Dous misís, posiblemente rusos, caen en territorio da OTAN

    Dous misís caíron esta tarde en territorio polaco, na localidade de Przewodow, que se atopa pegada á fronteira con Ucraína. A causa deste suceso morreron dúas persoas. O Goberno polaco reuniuse de emerxencia e elevou o nivel de alerta militar na fronteira con Ucraína e valora recurrir ao artigo 4 da OTAN, que abre consultas entre aliados. Sospéitase que os misís eran rusos, pero o Pentágono non o confirma, pero si que lanzaron un aviso: “Cando se trata dos nosos compromisos coa seguridade e o artigo 5, fomos cristalinos: defenderemos cada centímetro do territorio da OTAN”. Rusia, pola súa parte negou que os misís foran seus, segundo eles nas fotografías non hai indicios que foran deles, e acusou a Polonia de “provocar unha escalada no conflito”.

     Entre algunha das teorías sobre estes misís atópanse un ataque intencionado de Rusia ou que sexan misís derribados por Ucraína.

    Artigo 5 da OTAN

    “As Partes acordan que un ataque armado contra unha ou máis delas, que teña lugar en Europa ou en América do Norte, será considerado como un ataque dirixido contra todas elas, e en consecuencia, acordan que se tal ataque se produce, cada unha delas, en ecercicio do dereito de lexítima defensa individual ou colectiva recoñecido polo artigo 51 da Carta das Nacións Unidas, axudará á Parte ou Partes atacadas, adoptando seguidamente, de forma individual e de acordo coas outras Partes, as medidas que xuzgue necesarias, incluso o emprego da forza armada, para restablecer a seguridade na zona do Atlántico Norte. Calquera ataque armado desta natureza e todas as medidas adoptadas en consecuencia serán inmediatamente postas en coñecemento do Consello de Seguridade. Estas medidas cesarán cando o Consello de Seguridade tome as disposicións necesarias para restablecer e manter a paz e seguridades internacionais”

  • Rusia avisa sobre unha posible Terceira Guerra Mundial

    Ataque con misís en Ucraína

    O ingreso de Ucraína na OTAN provocaría a Terceira Guerra Mundial, avisou este xoves Alexandr Venedíktov, subsecretario do Consello de Seguridade de Rusia, ao comentar a solicitude de Kíiv tras a anexión de Rusia de 4 rexións ucraínas.

    “Kíiv comprende perfectamente que levará a unha escalada garantizada ata a Terceira Guerra Mundial”, dixo o político ruso nunha entrvista na axencia rusa TASS.

    Ademais, onte a OTAN ameazou a aplicación do artigo 5 se Rusia ataca máis obxetivos de Occidente. Este artigo di que ” ataque a un dos membros da organización significa o ataque a todos os seus membros.

  • “Deus púxote no poder”. A curiosa felicitación de aniversario a Putin

    “Deus púxote no poder”. A curiosa felicitación de aniversario a Putin

    Este venres Putin fai 70 anos e destaca unha das felicitacións que recibiu. O xefe da Igrexa Ortodoxa rusa, o patriarca Kirill, emitiu unha felicitación na que, segundo recolle a axencia AFP, dixo “Deus púxote no poder”. Ademais, onte o patriarca chamou aos rusos a rezar pola saúde do presidente.

    O patriarca Kirill é un dos principais aliados de Putin. Desde o primeiro día apoiou a “operación especial” en Ucraína e dixo que todos os que se atopan no campo de batalla, “lavan todos os seus pecados”.

    Desde que Putin chegou ao poder no ano 2000, a Igrexa recuperou moitas das propiedades expropiadas pola Unión Soviética.

  • Medran as sospeitas de movilización xeral dos rusos na guerra de Ucraína

    Medran as sospeitas de movilización xeral dos rusos na guerra de Ucraína

    Putin retasou in extremis en 24 horas a comparecencia que tiña prevista para esta noite. Nela, crese que se decidirá o futuro da guerra en Ucraína no que se sospeita que será o final da guerra ou a mobvilización xeral dos rusos.

    Nas última horas, o presidente turco Erdogan dixo que o seu homólogo ruso estaría “pensando en poñerlle fin á guerra” e que calquera tipo de acordo de paz “pasaría pola devolución dos territorios invadidos”.

    Ademais, nas últimas horas as rexións separatistas ucraínas están propoñendo a realización de referendos exprés de anexión a Rusia.

  • Un final próximo á guerra en Ucraína?

    Un final próximo á guerra en Ucraína?

    Varios medios internacionais afirman de Valadimir Putin, presidente ruso, estaría a piques de dirixirse á nación nunha mensaxe relacionada coa guerra en Ucraína.

    Xusto no mesmo día no que as rexións separatisitas ucraínas están propoñendo a realización de referendos exprés para anexionarse a Rusia e no que Erdogan, presidente turco, dixo que Putin estaría pensando en rematar a guerra.

  • Ucraína denuncia a aparición de dúas fosas comúns en Izium

    Ucraína denuncia a aparición de dúas fosas comúns en Izium

    Ucraína denunciou a aparición de dúas fosas comúns cuns 600 cadáveres na localidade de Izium, recentemente reconquistada. Ademais, tamén se atoparon cámaras de tortura en Khárkov