Etiqueta: incendios
-
Quéimase España: primeira vaga de incendios do ano
Estabilizado o incendio que comezou o pasado martes no concello de Baleira. Xa arrasou 1400 hectáreas e desactivouse a situación 2, polo que se puido realoxar aos desaloxados.
En Taboada extinguiuse o incendio que comezou onte e afectou 8 hectáreas. En Asturias os 20 desaloxados puideron volver as súas vivendas. Na comunidade hai unha centena de focos repartidos por 35 municipios. Os incendios máis graves están no oeste. En Castelló varios veciños xa puideron regresar as súas casas e os bombeiros vixían que non se produzan reproducións.
En Cantabria hai 31 incendios activos e un deles afecta ao Parque Natural dos Picos de Europa. En Cáceres un incendio continúa medrando despois de iniciarse en Puerto de Béjar (Salamanca).
-
Desaloxadas varias aldeas de Baleira e da Fonsagrada pola proximidade do lume ás casas no que é o primeiro gran incendio forestal do ano en Galicia
O incendio declarado martes en Baleira (comarca da Fonsagrada) calcinou xa tería calcinado 700 hectáreas e trataríase do primeiro gran incendio forestal do ano en Galicia. Desaloxáronse variaas aldeas de Baleira e da Fonsagrada pola proximidade do lume ás casas, polo que tamén se activou a situación 2. Ata o momento mobilizáronse para controlalo 3 técnicos, 13 axentes, 27 brigadas, 13 motobombas, 1 pa, 2 avións e 3 helicópteros.
O Presidente da Xunta de Galicia afirmou nun chío que “a prioridade é a atención aos desaloxados e pedir máxima precaución aos afectados” e que “non pararemos ata extinguilos non ata saber as causas”.
Relacionado
Ademais, ao longo da xornada deste mércores declaráronse varios incendios forestais na nosa comunidade: no concello lugués de Taboada arderon, segundo os últimos datos da Consellería de Medio Rural, 20 hectáreas; en Alfoz, 70 hectáreas; en Entrimo arderon 10 hectáreas no Parque natural da Baixa Limia-Serra do Xurés, en Viveiro queimáronse 80 hectáreas nun incendio xa estabilizado e, en Viana do Bolo, logrouse controlar un incendio que calcinou 70 hectáreas.
Fóra de Galiza, en Asturias tamén están vivindo unha situación moi complicada e xa arderon varias vivendas e hai 4 desaloxados. A UME despregouse para axudar nas labores de extinción dos incendios que, na súa maioría, son pequenos conatos.
Situación perfecta
A virulencia destes incendios non é casualidade, pois estamos ante xornadas de calor, escasa chuvia e fortes refachos de vento. Ademais súmase que os nosos montes están moi mal coidados.
-
Situación complicada no incendio que afecta Castelló: as lapas están ao lado das casas
O incendio de Castelló xa queimou 4300 hectáreas e ten un perímetro de 50 quilómetros. Esta tarde viamos as lapas a poucos metros das vivendas en Montán e ordeouse a evacuación das localidades de Torralba del Pinar, Pavías e Higueras. A localidade de Caudiel estivo confinada varias horas polo fume.
Tras un cambio na dirección do vento, as zonas que máis preocupan son os frentes que avanzan entre Montán e Montanejos e Montán e La Fuente de la Reina e trabállase para evitar que o lume chegue a esta última localidade. A CV-203 pechouse ao tráfico.
Non hai previsión de que os máis de 1500 desaloxados poidan volver ás súas casas.
-
PHDnoticias 25 de marzo| CONTINÚA DESCONTROLADO O INCENDIO DE CASTELLÓ E TERUEL
Continúa fóra de control o incendio que afecta a Castelló e Teruel. Xa se calcinaron 4000 hectáreas e hai un perímetro de 35km. As máis de 1500 persoas desaloxadas terán que pasar unha noite máis fóra das súas casas. Hoxe o peor do incendio atópase en Teruel, onde ardeu unha aldea, pero agárdase que nas vindeiras horas a situación meteorolóxica cambie cun descenso da humidade e un cambio na dirección do vento, polo que o peor volvería estar en Castelló.
Hoxe os presidentes Lambán e Ximo Puig visitaron o centro de mando do incendio e confirmouse que hai 4 persoas detidas por, presuntamente, provocalo.
A CRTVG vive a súa segunda xornada de folga pola manipulación informativa. Os traballadores denuncian que moitos foron apartados dos seus postos por criticar ao PP ou negarse a manipular as noticias.
Esta madrugada adiantamos os reloxos unha hora. Deste xeito ás 2 pasarán a ser as 3 e durmiremos unha hora menos.
Ás 12 da noite O Planeta de Hoxe en Día estreará un novo vídeo en YouTube e añroveitaráo para facer un anuncio.
Mañá será un día marcado polas nubes e os claros e algún chuvasco residual. As temperaturas manteránse. -
O Gran Camiño: o día no que os ciclistas deixaron de ser importantes no ciclismo
A meteoroloxía volveu a xogar unha mala pasada no Gran Camiño coa suspensión do ascenso ao Alto de Santa Mariña (1ª categoría) polo descenso. Así, ás 13.50h daba inicio a terceira etapa entre Esgos e o Alto do Castelo (Rubiá).
Perfil da etapa antes da modificación. O GRAN CAMIÑO Os ciclistas rodaban por Rubiá con moito ritmo para coller o cruce para subir o Alto do Castelo, un cruce no que a colocación era vital debido a que se pasaba dunha estrada provincial a un camiño rural. O pelotón comezou a estirarse e quedaron só en cabeza Jonas Vigegaard e Atila Valter (Jumbo Visma), Ruben Guerreiro (Movistar) e Ion Izaguirre (Cofidis). Valter deixou de tirar polo seu compañeiro e comezou o espectáculo: Vingegaard atacaba e deixaba atrás primeiro a Izaguirre e despois a Guerreiro.
Vingegaard cruzando a meta. EUROSPORT Deste xeito o danés volvía a gañar neste Gran Camiño e o portugués Ruben Guerreiro quedaba segundo. O vasco Ion Izaguirre sufiu unha caída nun tramo de curvas cheo de lama e quedou máis atrás na clasificación da etapa.
Entre innovacións e emocións
Zonas afectadas polo lume e protestas. EUROSPORT Esta etapa foi pensada como unha homenaxe. A zona pola que transcurriron os últimos quilómetros foi vítima da última vaga de incendios en Galicia, máis concretamente pola zona afectada polo 2º incendio forestal máis grande na historia de Galicia. Durante a retransmisión da etapa combináronse as imaxes dos ciclistas subindo o último porto coas imaxes das zonas afectadas polos incendios. Chegamos a ver a Jonas Vingegaard rodando con zonas queimadas ao seu arredor.
E aquí chegou a innovación: por primeira vez empregouse un dron na retransmisión e puidemos estar máis preto que nunca dos ciclista e á vez da zona afectada polos lumes.
Especial do Planeta de Hoxe en Día sobre a vaga de incendios. O remate dunha edición
Mañá celebraráse unha contra o reloxo entre Novo Milladoiro (Ames) e Santiago de Compostela na que se rematará de decidir esta segunda edición do Gran Camiño, aínda que todo apunta a que o actual líder, Jonas Vingegaard, será quen gañe a proba.
Xornal da Estrada 