Etiqueta: Lalín
-
Vivenda, o ouro do século XXI
Analizamos os prezos de alugueiro e venda de vivendas da Estrada e comparámolos con Lalín.
(máis…) -
Galilea e Cinema nas festas da Xesta
O domingo 30 e o luns 31 a parroquia lalinense da Xesta festezará as súas festas na honra da Virxe do Carme. O domingo oficiaráse unha misa ás 13.00h e, despois, o grupo Arena amenizará a sesión vermú. Dito grupo estará acompañado na verbena pola orquesta Galilea. O luns a misa oficiaráse ás 12.30h e, despois, haberá sesión vermú a cargo do dúo Dilema. Este grupo estará acompañado na verbena pola orquesta Cinema e o DJ Pacheco.
-
Festas na honra de Santiago Apóstolo e Santa Ana en Sello
A parroquia lalinense de Sello festexará o Santiago Apóstolo e Santa Ana con dous días de festa. Os festexos comezarán o martes 25 cunha misa solemne ás 13.00h e co pasarrúas e sisión vermú a cargo da charanga KM0. Pola noite, a verbena correrá a cargo de Xtra e Nueva Era.
O mércores 26 haberá unha misa solemne ás 13.00h e, ao remate desta, unha sesión vermú a cargo da charanga Ardores. Á noite actuará dita charanga acompañada de 3. Com.
-
O PP foi o gañador en Deza e Tabeirós-Terra de Montes
O PP foi o partido gañador en case todos os concellos da provincia de Pontevedra. Nas capitais de Deza e Tabeirós-Terra de Montes a participación aumentou e a formación popular foi a gran beneficiada: na Estrada aumentou o seu número de votos en 1500 papeletas e, en Lalín, en 1600.
Relacionado
Na Estrada tamén subiron PSOE (300 votos máis) e BNG (100 votos). Polo contrario, Sumar perdeu preto de 100 votos respecto ao seu predecesor Unidas Podemos e Vox perdeu 350 votos.
En Lalín o BNG conseguiu manterse pero o resto de partidos perderon votantes. Deste xeito, 250 electores menos introduciron a papeleta do PSOE nas urnas da localidade, 150 a de Sumar e 350 a de VOX.
-
Agolada en Deza e A Estrada en Tabeirós son os concellos con maior participación ata ás 14 horas
A participación das Eleccións Xerais aumentou en comparación cos últimos comicios deste tipo en España e en Galicia, pero tamén nos concellos de Deza e Tabeirós-Terra de Montes.
O concello que máis destaca é Agolada, cun 49,59%, no que a participación ascende máis de 19 puntos respecto ás de novembro de 2019. Con este ascenso, ás 14 horas sitúase preto dos datos de participación das 18h dos últimos comicios nacionais, nos que a esa hora votaran un 52,72% dos censados.
No resto de Deza, en Lalín ás 14h xa votara un 39,72% dos chamados ás urnas, 8,2 puntos máis que en 2019, en Silleda xa o fixo un 39,35% (+7,23), en Vila de Cruces un 41,13% (+11,89), en Dozón un 31,96% (+6,8) e, en Rodeiro, un 37,5% (+12,01).
En Tabeirós-Terra de Montes foi A Estrada o concello no que máis porcentaxe dos chamados ás urnas votou ata as 14 horas. En concreto votou un 42,5% do censo (+8,42). En Cerdedo-Cotobade fíxoo un 41,99% (+9,03) e, en Forcarei, un 37,33% (+5,78).
-
Festas do Santiago Apóstolo en Gresande
Gresande (Lalín) festexará o Santiago Apóstolo do 24 ao 26 de xullo. O luns haberá unha verbena a cargo de Reflejos e de Cristina e Xela. O martes o Grupo de Gaitas Repenicando realizará un pasarrúas, ás 12.00h oficiaráse unha misa solemne e, despois, a banda de gaitas xa citada, xunto coa Banda de Música de Vilatuxe, amenizará a sesión vermú. O mércores 26 realizaráse unha misa na honra de Santa Ana ás 13.00h.
-
Festas do Santiago Apóstolo e Santa Ana en Catasós
A parroquia lalinense de Catasós celebrará o Santiago Apóstolo e Santa Ana entre o luns 24 e o mércores 26 de xullo. O luns pola noite haberá unha verbena a cargo do trío Carpediem e do dúo La Hora Bruja.
O martes celebraráse unha misa ás 13.00h. Plácido Gaiteiros acompañará á procesión. Ao remate da misa será a sesión vermú a cargo do dúo La Hora Bruja. Pola noite, verbena a cargo de Fusión Latina.
O mércores oficiaráse unha misa ás 13.00h e Plácido Gaiteiros voltará a acompañar a procesión.
-
Sábado celébrase a VII Festa Gastronómica do Polo Asado de Barcia
Xa rematou o prazo de inscrición para a cea que se vai a levar a cabo na VII Festa Gastronómica do Polo Asado de Barcia (Lalín). Esta festividade celébrase no marco das festas na honra da Virxe do Carme que se festexan sábado e domingo na parroquia. A cea, que dará comezo ás 22.00h do sábado, estará animada polo Grupo de Gaitas Repinicando. Ademais, haberá unha verbena amenizada polo Dúo Punto Zero e pola Orquesta Costa Blanca.
O domingo oficiaráse unha misa a partir das 13.00h que terá unha procesión na Carballeira de Barcia ata a Igrexa. O regreso estará acompañado pola Banda de Música de Vilatuxe. Dita banda amenizará a sesión vermú.
-
Esta fin de semana rematan as festas de Camposancos
Domingo rematan as festas patronais de Camposancos (Lalín). Este sábado oficiaráse unha misa na honra de San Benito a partir das 13.00h. Despois, haberá unha procesión e sesión vermut a cargo da Charanga Noroeste. Pola noite, verbena con Reflejos e Nueva Era.
Domingo celebraráse unha misa na honra da Virxe do Carme ás 13.15h e, a posteriori, levaráse a cabo unha procesión e unha sesión vermut a cargo da Charanga Os Kokakolas.
Xornal da Estrada 