Servizos

O Mercadiño

Necrolóxicas

Axenda

Outros

semana santa

Consulta a programación

santas tapas

Consulta as tapas e os seus establecementos

Etiqueta: PSOE

  • A quen votar este 23X

    A quen votar este 23X

    Este domingo 23 de xullo celébranse comicios estatais en España. Dependendo de en que provincias vivas poderás votar a uns partidos distintos que en outras – ben porque uns non se presentaron ou porque a súa candidatura foi desestimada pola Xunta Electoral Central. A continuación podes ver a que partidos podes votar segundo en que provincia galega residas.

    1. A Coruña
    2. Lugo
    3. Ourense
    4. Pontevedra

    A Coruña

    • PSDEG-PSOE. Cabeza de lista: José Manuel Miñones Conde.
    • Frente Obrero. Cabeza de lista: Eva Morata Segrera.
    • PP. Cabeza de lista: Miguel Ángel Tellado Filgueira.
    • Soberanía ciudadana. Cabeza de lista: Yanaisy Solís Galindo.
    • BNG. Cabeza de lista: Néstor Rego Candamil.
    • Recortes Cero. Cabeza de lista: Sara Puga Rey.
    • VOX. Cabeza de lista: Juan Garcilaso de la Vega Muñoz.
    • Sumar. Cabeza de lista: Marta Irene Lois González.
    • PACMA. Cabeza de lista: Manuela García López.

    As candidaturas de PUM+J e PCTG foron retiradas.

    Lugo

    • Frente Obrero. Cabeza de lista: José Manuel Moreno del Pozo.
    • PSdeG-PSOE. Cabeza de lista: José Ramón Gómez Besteiro.
    • PP. Cabeza de lista: Francisco José Conde López.
    • VOX. Cabeza de lista: Sonia María Teijeiro Pérez.
    • PUM+J. Cabeza de lista: Josep María Valls Martí.
    • BNG. Cabeza de lista: Daniel Castro García.
    • PCTG. Cabeza de lista: Joel Varela Besteiro.
    • Sumar. Cabeza de lista: José Antonio Rodríguez Añón.
    • PACMA. Cabeza de lista: Consuelo Pereiro Fernández.
    • Recortes Cero. Cabeza de lista: Rosa Estefanía Pérez Fernández.

    Ourense

    • PSEDEG-PSOE. Cabeza de lista: Margarita Martín Rodríguez.
    • Frente Obrero. Cabeza de lista: David González García
    • PUM+J. Cabeza de lista: Rafael Manuel Fernández Alonso.
    • PP. Cabeza de lista: Ana Belén Vázquez Blanco.
    • CCD. Cabeza de lista: José Manuel Palacios Rodríguez.
    • BNG. Cabeza de lista: Noa Presas Bergantiños.
    • VOX. Cabeza de lista: María Cristina Bravo Bosch.
    • PACMA. Cabeza de lista: Adrián Abuín Pose.
    • Sumar. Cabeza de lista: A. Víctor Ferreiro Outomuro.
    • PCTG. Cabeza de lista: Antón Otero Pedrouzo.
    • Recortes Cero. Cabeza de lista: José Enrique Tato Fidalgo.

    Pontevedra

    • Frente Obrero. Cabeza de lista: David Sanz Fernández.
    • PP. Cabeza de lista: Ana María Pastor Julián.
    • VOX. Cabeza de lista: Álvaro José Díaz-Mella López.
    • PACMA. Cabeza de lista: Amelia Graña Rosales.
    • PSDEG-PSOE. Cabeza de lista: David Regades Fernández.
    • PCTG. Cabeza de lista: Miguel Riaño Roa.
    • BNG. Cabeza de lista: María Carme da Silva Méndez.
    • Sumar. Cabeza de lista: Verónica Martínez Barbero.
    • Recortes Cero. Cabeza de lista: María Luisa Martínez Martí.

    A candidatura de PUM+J foi retirada.

  • Comeza a campaña electoral para ver quen chega á Moncloa

    Comeza a campaña electoral para ver quen chega á Moncloa

    7 de xullo. Desde este momento todos os partidos políticos van pedir o voto a todos os españois. Comezan dúas semanas de frenesí político con mitins en múltiples lugares e acusacións dun lado ao outro.

    O próximo luns 10 ás 22.00h teremos a primeira gran cita das eleccións: o cara a cara entre Alberto Núñez Feijóo e Pedro Sánchez. O 13 de xullo está previsto un debate a 7 e, o19, celebraráse o debate a 4 entre as principais forzas políticas.

    Segundo as enquisas o PP de Núñez Feijóo gañaría as eleccións e podería chegar a dar gobernado co apoio de VOX.

  • Os candidatos de PP, PSOE e Móvete entrevístanse no Pérez Viondi

    Os candidatos de PP, PSOE e Móvete entrevístanse no Pérez Viondi

    O CEIP Pérez Viondi levou a cabo unha serie de entrevistas no marco dun programa titulado “Eleccións municipais. As repostas”. Polo centro pasaron a entrevistarse José López Campos, candidato do PP; Luis López Bueno, candidato do PSOE, e Mar Blanco Casais, candiadata de Móvete.

    Todos os programas foron realizados polo alumnado de 6º de Primaria.

  • O PSOE quere crear espazos comúns no rural

    O PSOE da Estrada propón crear espazos no rural nos que se combinen centros de día para os maiores con espazos para os rapaces nos que poidan recibir clases particulares e ter actividades. Estes espazos atoparíanse nas escolas unitarias. Para poder chegar aos centros, habería un servizo de transporte baixo demanda.

  • Rueda pide o voto para José López

    O Presidente da Xunta de Galicia visitou hoxe A Estrada para participar no mitin central do PP do concello. Nel, ante 1200 persoas, pediulle aos que non están contentos co goberno de Pedro Sánchez que voten ao PP.

    Ademais aproveitou a ocasión para acusar a PSOE e BNG de apoiar a Bildu. “O BNG quere os votos dos concellos para implantar un novo modelo en Galicia. De que? De Galicia independente? De Galicia que nega as institucións? Que se quere separar do resto do país?”

    “Eses de Bildu que presentan en tantos concellos do País Vasco a asasinos e condenados por terrorismo son amigos do socialismo e do Bloque”

    Alfonso Rueda

    Rueda apoiou ao candidato estradense na busca da súa cuarta maioría absoluta. Non só se referiu a el como un referente a nivel galego senón que tamén declarou a súa amizade persoal con el.

  • Besteiro reivindica a inversión do Goberno nos concellos

    Besteiro reivindica a inversión do Goberno nos concellos

    O delegado do Goberno en Galicia, José Ramón Gómez Besteiro, visitou varios concellos de Deza e Tabeirós-Terra de Montes. Na Estrada acompañou a Luis López Bueno na presentación do seu proxecto estrela: a cesión gratuíta do vello ambulatorio para, previa reforma, albergar os servizos que xa se ofrecen a nivel municipal, pero ampliando prazas. Tamén trasladou a Besteiro a súa proposta de humanizar a N-640 ao seu paso polo casco urbano e reclamou unha solución por Liñares.

    En Lalín, o delegado reivindicou as “grandes inversións” do Goberno no concello. Acompañado pola condidata Alba Forno, visitou a Praza de Abastos que se vai reformar con 1 millón de euros dos fondos de recuperación “que conseguiu Pedro Sánchez de Europa”. Ademais, sinalou que a reforma foi pactada durante o goberno de coalición e que é unha medida “moi agardada” polos praceiros. Tamén lamentou que Lalín “perda oportunidades únicas” para reformar a piscina vella ou o pavillón.

    En Cerdedo-Cotobade desprazouse ata a ponte de Pedre, onde o pasado decembro produciuse un tráxico accidente de autobús, para ratificar o seu compromiso para reforzar a seguridade vial na N-541 nun tramo de 17km entre Cerdedo-Cotobade e Forcarei.

  • O PP di que PSOE e Móvete están desesperados polas eleccións

    O PP calificou a comparecencia conxunta de Luis López Bueno (PSOE) e Mar Blanco Casais (Móvete) para criticar a débeda municipal como “reveladora da desesperación electoral que viven os partidos”. Tildaron de “especialmente vergoñento” o feito de que o candidato dos socialistas critique a débeda municipal “cando o Goberno de Pedro Sánchez debe á Estrada máis de 6 millóns de euros”.

    En canto a cifra da débeda do Concello, indican que é de 5,3 millóns de euros, “unha cifa perfectamente asumible para un concello da magnitude do da Estrada”, en lugar do 10 millóns estimados pola oposición.

    Ademais, explicouse que se pediu un crédito extraordinario de 4,5 millóns de euros para que “o próximo goberno, sexa da cor que sexa, teña capacidade de cofinanciación de proxectos transformadores que melloren A Estrada”. O desglose dos 4,5 millóns de euros sería:

    • 1,3 millóns para cofinanciar futuros proxectos de fondos europeos.
    • 800.000€ para asfaltados no rural.
    • 1 millón de euros para cofinanciar o módulo de atletismo.
    • 500.000€ de aportación para o desenvolvemento urbanístico do entorno da Avenida de América (que se recuperarán ao repercutirllo posteriormente aos propietarios).
    • 140.000€ para cofinanciar a traída de augas de Tabeirós e Nigoi.
    • 350.000€ para cofinanciar proxectos pendentes da EDUSI.

  • O BNG di que pelexará “pola variante e pola mellora da seguranza da N-640” se goberna

    O BNG celebrou o seu mitin central no MOME. Dito acto contou co apoio de Néstor Rego, deputado do partido no Congreso.

    Xoán Reices, candidato á alcaldía, afirmou que “un goberno do BNG terá entre as súas prioridades pelexar pola Variante” e acusou a PSOE e PP de non ter interés nela e de tela só como medida electoralista.

    “Un alcalde do BNG non calará ante o elevado número de accidentes, como fai o PP, esixiremos solucións e para iso contamos coa axuda do noso deputado Néstor Rego, que el si, é o único deputado que defende os intereses dos veciños e veciñas en Madrid, mentres o outro, o do PP, que é da Estrada, non fai nada pola Variante nin pola seguranza vial”

    Xoán Reices
  • Debate electoral na Estrada

    Debate electoral na Estrada

    Esta tarde celebrouse no Concello o debate electoral da Estrada. José López Campos (PP), Luis López Bueno (PSOE), Xoán Reices (BNG) e Mar Blanco Casais (Móvete) debateron sobre diferentes asuntos de preocupación para á cidadanía.

    No apartado de rural, o candidato do PP indicou a súa “boa xestión” durante o último goberno, destacando o “investimento récord” desta última lexislatura. Mentras, a oposición volveu criticar os bacheos exprés, as cunetas sen desbrozar e os cables que caen de forma frecuente.

    No bloque de benestar social, a oposición solicitou melloras nos servizos municipais, entre os que destaca o Servizo de Axuda no Fogar (SAF), que mantivo importantes tensións polas malas condicións laborais. Tamén solicitaron a creación de espazos para a cidadanía no vello ambulatorio.

    En materia de economía e desenvolvemento, goberno e oposición coincidiron na necesidade da ampliación do polígono de Toedo que, segundo o PP, “realizaráse a partir de 2024”. A oposición tamén mostraron a súa preocupación polo previsible descenso da poboación e a mala situación do comercio. López Bueno tamén lembrou que o Concello debe 10 millóns de euros. O alcalde tamén lembrou que o vindeiro ano comezará a construcción da autovía, que segundo Reices, “rematará en Teo”.

    No último bloque, o de servizos públicos e competencia municipal, os partidos da oposición criticaron os problemas do SAF, a falta de aprobación dos presupostos deste ano- pese a que o PP ten maioría absoluta-, a ausencia de banda ancha no rural, a tardanza dos trámites á hora de poder construír unha vivenda e os problemas na recollida do lixo. López Campos destacou que A Estrada ten o mellor centro de saúde de España.

  • O PSOE propón a creación de aparcadoiros disuasorios

    O PSOE propón a creación de aparcadoiros disuasorios

    O PSOE propón a creación de 3 aparcadoiros disuasorios no centro da Estrada. Nestes aparcadoiros haberá prazas reservadas para os maiores do rural que se achegan á vila para realizar as súas compras.