NADAL 2025/26

Consulte a programación na Estrada

Etiqueta: Rusia

  • “Deus púxote no poder”. A curiosa felicitación de aniversario a Putin

    “Deus púxote no poder”. A curiosa felicitación de aniversario a Putin

    Este venres Putin fai 70 anos e destaca unha das felicitacións que recibiu. O xefe da Igrexa Ortodoxa rusa, o patriarca Kirill, emitiu unha felicitación na que, segundo recolle a axencia AFP, dixo “Deus púxote no poder”. Ademais, onte o patriarca chamou aos rusos a rezar pola saúde do presidente.

    O patriarca Kirill é un dos principais aliados de Putin. Desde o primeiro día apoiou a “operación especial” en Ucraína e dixo que todos os que se atopan no campo de batalla, “lavan todos os seus pecados”.

    Desde que Putin chegou ao poder no ano 2000, a Igrexa recuperou moitas das propiedades expropiadas pola Unión Soviética.

  • Medran as sospeitas de movilización xeral dos rusos na guerra de Ucraína

    Medran as sospeitas de movilización xeral dos rusos na guerra de Ucraína

    Putin retasou in extremis en 24 horas a comparecencia que tiña prevista para esta noite. Nela, crese que se decidirá o futuro da guerra en Ucraína no que se sospeita que será o final da guerra ou a mobvilización xeral dos rusos.

    Nas última horas, o presidente turco Erdogan dixo que o seu homólogo ruso estaría “pensando en poñerlle fin á guerra” e que calquera tipo de acordo de paz “pasaría pola devolución dos territorios invadidos”.

    Ademais, nas últimas horas as rexións separatistas ucraínas están propoñendo a realización de referendos exprés de anexión a Rusia.

  • Un final próximo á guerra en Ucraína?

    Un final próximo á guerra en Ucraína?

    Varios medios internacionais afirman de Valadimir Putin, presidente ruso, estaría a piques de dirixirse á nación nunha mensaxe relacionada coa guerra en Ucraína.

    Xusto no mesmo día no que as rexións separatisitas ucraínas están propoñendo a realización de referendos exprés para anexionarse a Rusia e no que Erdogan, presidente turco, dixo que Putin estaría pensando en rematar a guerra.

  • Ucraína denuncia a aparición de dúas fosas comúns en Izium

    Ucraína denuncia a aparición de dúas fosas comúns en Izium

    Ucraína denunciou a aparición de dúas fosas comúns cuns 600 cadáveres na localidade de Izium, recentemente reconquistada. Ademais, tamén se atoparon cámaras de tortura en Khárkov

  • Finlandia solicita entrar na OTAN … e Rusia ameaza de guerra?

    Xoves 12 de maio de 2022, día que pode ser clave nos vindeiros meses e anos. Hoxe Finlandia anunciou a súa intención de ingresar na OTAN. Só lles fai falla a aprobación do Parlamento e todo parece indicar que si que teñen o permiso dos grupos políticos. E da poboación. As últimas enquisas indican que o 66% dos cidadáns están a favor de ingresar na organización.

    E cando xa teñan a aprobación, só lles queda realizar a solicitude e, despois, que a OTAN dea o aprobado. Algo que parece que vai pasar. Desta forma, Finlandia xa podería estar dentro da organización antes de final de ano.

    Pero un dos catro veciños de Finlandia non está a favor diso. Sabes quen é? Si, Rusia. É máis, o Goberno dese país xa dixo que, se Finlandia se une á OTAN, tomarán medidas e que poñerán armas nucleares no mar Báltico. E é que, señoras e señores, tanto Finlandia como Suecia teñen un principio de neutralidade en decisións que teñan que ver con Rusia. Ou tiñan, porque Suecia tamén avisou de que decidirá, cando teña o seu informe de seguridade, se tamén solicita entrar na OTAN.

  • Rusia corta o gas a Polonia e Bulgaria

    Rusia corta o gas a Polonia e Bulgaria

    A empresa estatal rusa Gazprom interrompeu as súas exportacións de gas a Polonia e Bulgaria na mañá deste mércores debido á súa negativa para facer pagamentos en rublos.

    O xigante gasístico ruso confirmaba, a través da súa conta en Telegram, que suspendera por completo a subministración de gas a estes dous países, que chegaba a través dos distribuidores Bulgargaz e PGNiG.

    Ao tempo que cortaba a subministración do gas, Gazprom advertía a Sofía e a Varsovia de que “Bulgaria e Polonia son estados de tránsito e en caso de retirada non autorizada de gas ruso dos volumes en tránsito a terceiros países, as subministracións para o tránsito reduciranse neste volume”.

    Polonia di que no haberá escaseza

    A ministra polaca de Clima e Medio Ambiente, Anna Moskwa, declarou ao coñecer a noticia que “non hai decretos de Putin que estean en vigor en Polonia”, en referencia á esixencia de Moscova aos contratistas estranxeiros de Gazprom “hostís á Federación Rusa” de pagar o gas importado en rublos.

    Moskwa asegurou este mércores na radio polaca que “as existencias de gas almacenado en Polonia rozan o 80 por cento, o cal é moito. Polo momento, non hai necesidade de buscar novas subministracións”.

    Bulgaria reconsiderará os seus contratos

    Bulgaria reaccionou anunciando que reconsiderará todos os seus contratos con Gazprom, mesmo un de tránsito, en resposta ao que cualifica como “chantaxe inaceptable” por parte da entidade estatal rusa.

    Así o dixo o primeiro ministro búlgaro, o proeuropeo e reformista Kiril Petkov, no poder desde decembro pasado. Petkov tamén asegurou que Bulgaria ten un plan de acción con fontes alternativas para facer fronte ao corte de subministración rusa.

    “O corte por parte de Gazprom é unha violación dos contratos, unha chantaxe que consiste en aplicar un plan fóra deses contratos de pago en rublos a través de terceiras persoas que non garante nin as subministracións nin o diñeiro dos búlgaros. Nós non nos rendemos ante unha extorsión así”, dixo Petkov.

    Aseguran que catro compradores de gas xa pagaron en rublos

    A Unión Europea tamén rexeitou a medida, en principio; aínda que agora que os prazos empezan a vencer, os gobernos de toda Europa deberán decidir se aceptan as condicións de Putin ou perden as subministracións, co risco de ter que aplicar racionamentos enerxéticos.

    Non obstante, a axencia Bloomberg, citando fontes próximas a Gazprom, asegura que un total de dez compradores europeos xa abriron contas especiais en rublos en Gazprombank e que catro xa efectuaron pagamentos na moeda rusa.

    Esa mesma fonte, desde o anonimato, indicou que non hai previstos máis cortes de gas ata a segunda metade de maio, cando se deberían producir outros pagamentos de combustible.

    O gas sobe máis do 10 % tras os primeiros cortes

    O prezo do gas natural para entrega en maio no mercado holandés sobe máis do 10 % este mércores despois de que Rusia cortase a subministración a Polonia e Bulgaria.

    A media sesión o gas natural TTF custa 108,8 euros por megawatt hora (MWh), o que supón un 10,79 % máis respecto ao peche de onte, segundo os datos do mercado consultados por Efe.

    O presidente ruso, Vladimir Putin, ordenou a finais de marzo que os países “inamistosos” pagasen as subministracións en rublos. Entre eses países estaban os EUA, O Canadá, o Reino Unido e todos os estados membros da Unión Europea (UE) -en que o gas ruso supón o 40 % do consumo-. A decisión producíase como contramedida ás sancións a Rusia pola súa campaña militar en Ucraína.

    O mecanismo ideado polo Kremlim para iso establece que eses países considerados hostís deben abrir unha conta especial en rublos e outra en divisa en Gazprombank. A idea era que o banco ruso recibiría o pago na divisa especificada no contrato de subministración de gas, o euro ou o dólar, e logo converteríao en rublos no mercado de divisas de Moscova, o MICEX, e depositaríao na conta de rublos do comprador.