Etiqueta: Silleda
-
Declarado un incendio forestal en Silleda
Minutos antes das 18.00h declarouse un incendio forestal na parroquia de Laro, en Silleda. Ata o lugar desprazáronse 4 brigadas, 2 motobombas e o helicóptero de Silleda.
-
Breixa honra ao Santiago Apóstolo
A parroquia de Breixa, en Silleda, honrará ao Santiago Apóstolo cunha misa solemne ás 13.30h e unha sesión vermú e verbena a cargo do dúo Punto Zero.
-
Cortegada celebra a XXI Festa da Paella
O sábado 29 e o domingo 30 a parroquia silledense de Cortegada celebrará as súas festas patronais na honra de Santa María. O sábado celebraráse a XXI Festa da Paella cunha cea a partir das 22.00h e verbena a cargo da orquesta Tango e do grupo Unión y Fuerza. O domingo ás 13.00h oficiaráse unha misa solemne cantada polo coro Cortegada. A posteriori, haberá unha sesión vermú amenizada polas Ferreñas de Cortegada. A partir das 17.00h haberá unha festa infantil.
-
Agolada en Deza e A Estrada en Tabeirós son os concellos con maior participación ata ás 14 horas
A participación das Eleccións Xerais aumentou en comparación cos últimos comicios deste tipo en España e en Galicia, pero tamén nos concellos de Deza e Tabeirós-Terra de Montes.
O concello que máis destaca é Agolada, cun 49,59%, no que a participación ascende máis de 19 puntos respecto ás de novembro de 2019. Con este ascenso, ás 14 horas sitúase preto dos datos de participación das 18h dos últimos comicios nacionais, nos que a esa hora votaran un 52,72% dos censados.
No resto de Deza, en Lalín ás 14h xa votara un 39,72% dos chamados ás urnas, 8,2 puntos máis que en 2019, en Silleda xa o fixo un 39,35% (+7,23), en Vila de Cruces un 41,13% (+11,89), en Dozón un 31,96% (+6,8) e, en Rodeiro, un 37,5% (+12,01).
En Tabeirós-Terra de Montes foi A Estrada o concello no que máis porcentaxe dos chamados ás urnas votou ata as 14 horas. En concreto votou un 42,5% do censo (+8,42). En Cerdedo-Cotobade fíxoo un 41,99% (+9,03) e, en Forcarei, un 37,33% (+5,78).
-
Taboada festexa o Santiago Apóstolo, a Virxe do Carme e Santa Ana
Taboada (Silleda) estará de festas entre o luns 24 e o mércores 26. O luns haberá unha verbena a cargo da Orquesta Metrópolis e da Macrodisco Chocolate.
O martes ás 13.00h celebraráse unha misa na honra de Santiago Apóstolo. Ao remate desta haberá unha macrosesión vermú a cargo da charanga Ardores e do DJ Marcos Kintana. Pola noite, volverá a actuar a charanga Ardores, esta vez acompañada do dúo Aires de Broña.
O mércores oficiaráse ás 13.00h unha misa na honra da Virxe do Carme e de Santa Ana. Sin Son Gaiteiros amenizará a sesión vermú.
-
A Bandeira celebra o seu Entroido de Verán
Este sábado A Bandeira (Silleda) celebra a quinta edición do seu Entroido de Verán. A festa comezará ás 21.00h coa charanga Os Empanaos. Ás 22.00 celebraráse a Sesión dos Anos 80 e, a partir das 00.00h, haberá unha pasarela de disfraces con premios aos máis orixinais. Despois comezará a DJ Party Night cos DJs Carlos López, Xavi Villar e Calwin.
-
Graba festexa Santa Mariña coa París de Noia
Este domingo darán comezo as festas na honra de Santa Mariña en Graba. Ás 10.30 celebraráse unha misa na capela de Santa Mariña. Ás 12.30 haberá unha macrosesión vermú e sesión de tardeo a cargo de DJ Marcos Kintana e Ghaiteiras da Estrada.
O martes ás 10.30 oficiaráse a última misa da novena e, ás 13.30, unha misa solemne. Ás 14.30, sesión vermú a cargo de Feitizo de Pau e, a partir das 23.00, verbena coa orquesta París de Noia, a discomóbil CDC e co DJ Carlos López.
-
1500 comensais na Festa do Lacón de Silleda
Este xoves darán inicio as Festas de Verán en Silleda, nas que o protagonista será o lacón. O venres poderáse desfrutar do lacón grazas á Asociación Cultural O Lacón na praza Juan Salgueiro. Esta cita gastronómica contará con 1.500 comensais.
Programa das festas
XOVES 6 DE XULLO
22.00h // III Lacón Rockstars (praza Siñor Afranio).
Actúan Berty and The Jeremys, Sagafuga, Recambios Tucho e Another Wasted Year.
VENRES 7 DE XULLO. Festivo local
12.00h// Degustación do Lacón (Praza Juan Salgueiro).
Actúan Aires do Trasdeza, Grupo de Acordeóns Escola de Música de Silleda e Grupo de Gaitas Escola de Música de Silleda.
15.00h// Torneo Kids League 3X3 (Estadio Outeirio-Joselu Mato).
20.00h// Concerto da Banda de Música Xuvenil de Silleda (Praza Juan Salgueiro).
22.00h// XXIII Festa do Lacón (Praza Juan Salgueiro).
01.00h// Verbena a cargo de La Misión e Discoteca Móvil Chocolate (Rúa Pintor Colmeiro).
SÁBADO 8 DE XULLO
// Pasarrúas a cargo da Banda de Música Recreativa e Cultural da Bandeira e posterior concerto (13.30h, Avenida do Parque)
12.00h// Sesión vermú coa charanga BB+ e Batuacada Os Vikingos.
17.30h// Actuación de Con Tom e Son polas rúas principais.
18.30h// Animación a cargo de Charanga BB+ e Batucada Os Vikingos.
20.00h// Concerto da Banda de Música Municipal de Silleda (Praza Siñor Afranio).
23.00h// Verbena a cargo de Charanga BB+, Grupo Tentaciones, DJ Carlos López e DJ Calwin.
DOMINGO 9 DE XULLO
// Pasarrúas e concerto da Banda Municipal de Música de Silleda (Avenida do Parque).
12.30h// Misa solemne cantada pola Coral Polifónica Trasdeza. Posteriormente, concerto da Banda Municipal de Música de Silleda (Praza da Igrexa).
18.00h// Gynkana para os máis cativos no entorno da praza Juan Salgueiro.
19.30h// Concerto da Banda de Música de Vilatuxe e da Banda de Municipal de Música de Silleda (Praza Siñor Afranio).
22.00h// Actuación de Grupo Supermiarafiori e DJ Marcos Kintana (Avenida do Parque).
00.00h// Fogos de artificio.
Cortes de rúas
Desde o xoves permanecerán pechadas ao tráfico as rúas Pintor Colmeiro, Progreso -onde tampouco se poderá estacionar-, Antón Alonso Ríos, Castrelo, Cartaxena e Emilio Alonso Paz. Esta última reabrirá só o sábado.
O venres desde ás 00.00h ata a madrugada e o sábado desde ás 22.00 tamén se cortará o tráfico na rúa Venezuela. A Avenida do Parque permanecerá pechada o sábado pola mañá e o domingo.
Xornal da Estrada 