Unha reportaxe de PHDnoticias opta ao Premio Youtubeiras

A reportaxe Angrois, a traxedia narrada 10 anos despois realizada polo estradense Rubén Rosende para este medio opta ao Premio do Público do certame Youtubeiras. Trátase dunha crónica conmemorativa polo 10º aniversario do accidente do Alvia en Angrois. Con esta reportaxe ofrecése unha visión desde fóra do que sucedeu.

Actualmente o público pode votar polo seu vídeo favorito de todos os que foron propostos por diferentes persoas. O prazo para facelo remata o vindeiro venres 1 de decembro ás 23.59h. Nese momento, os tres vídeos con máis votos pasarán á seguinte fase, na que un xurado ratificará a votación do público.