Outra noite máis volveu acontecer: a Avenida de Santiago estivo sen alumeado público unha noite máis. Repetidamente prodúcense estes cortes nesta rúa e, desde a Asociación de Veciños da Avenida de Santiago síntense molestos. O pasado martes 5 neste mesmo medio xa informamos deste suceso.
Preguntados sobre se lles deran algún tipo de explicación desde o Concello, respondéronnos que non xa que “hai moitos problemas co alumeado público e non deben saber que lle pasa”.
Relacionado
Como tamén informamos na reportaxe O Nadal non se ilumina por igual, os veciños están molestos porque apenas se colocaron luces de Nadal na parte baixa da avenida, unha zona de gran importancia comercial e na que se atopa o CEIP de Figueiroa.
Entre o cruce da Congostra e a rotonda de Figueiroa só se colocou un arco luminoso en dito cruce, o que leva a que moitos rapaces, explican, pregunten por que no seu tramo non hai luces.
Relacionado
Imaxe de portada:
O alumeado público apagado na Avenida de Santiago // Asociación de Veciños da Avenida de Santiago
Xornal da Estrada 
Deixar un comentario