O vindeiro luns 12 retomaráse a folga do autobús na provincia da Coruña, que xa celebrara paros durante catro días do mes de decembro. Os paros afectarán ás rutas con inicio, paradas ou final na provincia coruñesa.
Tras non ter chegado a acordo coa patronal, acordouse que no mes de xaneiro teñan lugar paros en 6 días. Serán os luns, martes e venres das vindeiras dúas semanas, é dicir, os días 12, 13, 16, 19, 20 e 23 de xaneiro. No caso de que non se chegue a un acordo, o 2 de febreiro a folga pasaría a ser indefinida.
Este xoves aínda non se publicaron os servizos mínimos. Cómpre lembrar que durante as xornadas de folga do mes de decembro as liñas que conectan A Estrada coa provincia da Coruña, especialmente con Santiago, víronse afectadas, pois non foron incluídas nos servizos mínimos.
Imaxe de portada: autobús na estación da Estrada // Xornal da Estrada
Xornal da Estrada 
Deixar un comentario