Autor: O Planeta de Hoxe en Día

Este é o Flash PHD noticias contando o que pasou este mércores 5 de abril.

Unha nai lánzase desde un quinto coa súa filla de 5 anos para evitar que a rapaza vaia de vacacións de Samana Santa co seu pai. A nai atópase crítica e a filla non sufriu lesións de gravidade. A avoa materna foi atopada na bañeira da súa vivenda tras autolesionarse e, o avó, atópase detido coa exparella da muller despois de que pelexaran onte á noite. A muller que se tirou ao baleiro estivo varios anos no sistema VioGén, pero saiu do sistema ao non interpoñer máis denuncias por violencia de xénero.

Golpe ao tráfico de heroína: 24,5 quilos comisados e dous detidos en Nigrán.

Nova condena ao Sergas. O TSXG confirma a indemnización a unha doente por mor da “falta de consentimento informado e mala praxe” nunha operación de xeonllo á que foi sometida para implantarlle unha prótese, que resultou ser “sobredimensionada e incompleta”.

Detido un rapaz de 14 anos por planear un atentado terrorista en Francia. Nos rexistros levados a cabo tras a súa detención atopáronse artefactos artesanais.

Ana Peleteiro rompe o seu silencio e responde a un membro de VOX que criticou que a atleta criticase a Ana Obregón por traer ao mundo á súa neta por xestación subrogada. Segundo o político, Peleteiro foi comprada polos seus pais e pideulle que ensinara canto lle custou aos seus pais traela a España. Peleteiro lembrou que ela naceu na Coruña e que a adopción nacional é 100% gratuíta.

Na nova ABAU, que se implementará en 2024, as faltas ortográficas descontarán 0,25 e os acentos contarán como media falta. Ademais, os exercicios van ser menos memorísticos e piden aos mestres de matemáticas que non poñan ceros a non ser que o exercicio estea en branco.

A deportista sub-17 do club Bádminton A Estrada, Iziar Barcala, foi seleccionada polo combinado de España sub-19 para acudir á concentración que se celebrará en Madrid do 4 ao 7 de maio.

O Real Madrid golea 0-4 ao Barcelona. Benzema foi o rei deste partido cun triplete. Tras esta victoria, o Real Madrid pasa á final da Copa do Rei.

E agora queremos que escoiten as seguintes declaracións. Foron pronunciadas nun pódcast formado por estudantes de universidades privadas.

Transcripción

Hoxe é martes 4 de abril e este é o Flash PHDnoticias.

Xuízo histórico nos Estados Unidos: Donald Trump comparece ante un xuíz acusado de 30 cargos por pagarlle a unha actriz a cambio de non revelar que mantivo supostas relacións co expresidente fai 20 anos. Trump convértese así no primeiro expresidente acusado nun caso criminal.

Finlandia xa entrou na OTAN. Deste xeito convértese no aliado número 31 desta organización. Falta a anexión de Suecia debido a que Turquía opúxose. Rusia xa anunciou que tomaría contramedidas.

Rexistro policial na sede do PP europeo por un caso de corrupción en Alemaña para as eleccións europeas de 2019.

A Xunta e Enagás asinan o pacto para construír o hidroduto entre Guitiriz e Zamora. A súa construción custará 250 millóns de euros e prevese que estea operativo en 2030.

Activan controis ante a rotura dunha balsa de áridos que chegaron ao río Tambre. Polo momento non hai problemas nos concellos afectados.

Xa se pode solicitar o voto por correo para as eleccións do 28 de maio.

O 19 de abril haberá Asamblea Extraordinaria polo caso Negreira na Liga.