Etiqueta: BNG
-
O BNG quéixase de que aínda estean instaladas luces das festas e de que o PP pague a medios de comunicación
A formación nacionalista di que o Goberno local pagou máis de 6000€ a dous medios de comunicación autonómicos con tirada local
(máis…) -
O BNG urxe un aparcadoiro para os camións
Tamén presentaron unha moción para a retransmisión dos plenos por Internet e queixáronse polas árbores secas na Praza da Feira.
(máis…) -
A Estrada activará esta semana as brigadas forestais e o Bloque critica a demora
O proceso retrasárase por falta de persoal.
(máis…) -
O PP foi o gañador en Deza e Tabeirós-Terra de Montes
O PP foi o partido gañador en case todos os concellos da provincia de Pontevedra. Nas capitais de Deza e Tabeirós-Terra de Montes a participación aumentou e a formación popular foi a gran beneficiada: na Estrada aumentou o seu número de votos en 1500 papeletas e, en Lalín, en 1600.
Relacionado
Na Estrada tamén subiron PSOE (300 votos máis) e BNG (100 votos). Polo contrario, Sumar perdeu preto de 100 votos respecto ao seu predecesor Unidas Podemos e Vox perdeu 350 votos.
En Lalín o BNG conseguiu manterse pero o resto de partidos perderon votantes. Deste xeito, 250 electores menos introduciron a papeleta do PSOE nas urnas da localidade, 150 a de Sumar e 350 a de VOX.
-
O BNG descarta que Vanesa Iglesias dimita
Nunha reunión celebrada onte no BNG da Estrada descartouse a posibilidade de que Vanesa Iglesias, concelleira de dito partido, dimita tras a polémica xurdida por un comentario en Instagram sobre o aborto de Isabel Díaz Ayuso. Xoán Reices, portavoz da formación na Estrada, dixo que ela “cometeu un erro” pero que “rectificou, eliminando o comentario” e que ela “é consciente do erro cometido” e “pediu sinceras disculpas públicas, como á nosa corporación”. “Consideramos que isto é suficiente e agora o que toca é centrarse na labor de oposición. Polo tanto, non vai dimitir”, zanxaba o tema Reices.
-
José López pide que dimita Vanesa Igesias tras a súa polémica sobre Ayuso
O alcalde da Estrada, José López Campos, pediulle a Vanesa Iglesias, número 2 do BNG no concello, que dimita tras as súas polémicas palabras sobre o aborto de Isabel Díaz Ayuso. Iglesias comentara nunha publicación na rede social Instagram que “nin o bebé quere ser o seu fillo…” e viuse obrigada a borrar o comentario e pedir disculpas públicas.
López Campos comentou en Facebook que “esta barbaridade de comentario da nº 2 do BNG da Estrada desprende unha xenreira e un odio contra outra muller, simplemente porque pensa distinto, que a incapacita para ser concelleira na Estrada”.
“Non é a primeira vez que amosa que non sabe o lugar que ocupa”, engade, “pero isto xa supera todos os límites, polo que non me queda máis remedio que pedirlle que dimita”. E, no caso de que non o faga, para López Campos debería ser Ana Pontón “quen lle sinale a porta de saída, porque fraco favor lle fai unha persoa así ao BNG e á política en xeral”.
Por último, escribiu que “Ese comentario non foi un desliz, senón que reflectía unha forma de pensar máis próxima ao nazismo que á democracia na que temos a sorte de vivir e que temos a obriga de coidar”.
“Na vida en xeral, pero aínda máis na vida política, hai cousas inaceptables e esta barbaridade de comentario da nº 2 do BNG da Estrada desprende unha xenreira e un odio contra outra muller, simplemente porque pensa distinto, que a incapacita para ser concelleira na Estrada. Non é a primeira vez que amosa que non sabe o lugar que ocupa, pero isto xa supera todos os límites, polo que non me queda máis remedio que pedirlle que dimita. E se non o fai ela por iniciativa propia, debería ser Ana Pontón, quen por certo vai estar este domingo na Estrada, quen lle sinale a porta de saída, porque fraco favor lle fai unha persoa así ao BNG e á política en xeral. Síntoo moito, pero a min, e penso que a moita máis xente, non nos vale con borrar o comentario e pedir disculpas por orde do partido para non prexudicar a súa estratexia política. Ese comentario non foi un desliz, senón que reflectía unha forma de pensar máis próxima ao nazismo que á democracia na que temos a sorte de vivir e que temos a obriga de coidar.”
José López Campos, alcalde da Estrada, vía FacebookTamén Móvete mostrou a súa repulsa sobre o comentario de Iglesias a través de Facebook.
“Desde Móvete amosamos a nosa repulsa e
rexeitamento ante os desafortunados comentarios
levados a cabo por unha concelleira da nosa corporación ao respecto da noticia sobre o aborto sufrido por Isabel Díaz Ayuso. Consideramos que a sororidade demóstrase non frivolizando sobre unha cuestión persoal tan delicada como esta.Non todo vale.”
Móvete, vía Facebook
Xornal da Estrada 