A Estrada terá unha nova oportunidade para ver 360 Curvas, o documental codirixido pola estradense Ariadna Silva Fernández que gañou o Mestre Mateo a Mellor Documental. Cada día, dende este venres ata luns, haberá unha proxección nos Minicines Central.
Venres, sábado e luns poderase visualizar ás 17.00 horas e o domingo ás 21.00. Ademais, prevese que un deses días tamén teña lugar un coloquio co público, aínda pendente de axendar.
Sinopse
360 curvas marcan a distancia que separa A Fonsagrada de Lugo. Este camiño longo, difícil e descendente entre montañas reflicte o declive dun lugar que, a comezos dos anos 90, decidiu loitar pola súa supervivencia.
360 Curvas explora os conflitos sociais que aconteceron na Fonsagrada a comezos dos anos 90, coñecidos como “As Movidas”. Unha loita pioneira contra a desaparición do mundo rural, precursora do movemento da España Vaciada.
“Eu creo que si que medramos con esa idea máis ou menos presente de que eres adolescente e sabes que aos 18 te piras. E moitas veces, se te paras a analizalo, sabes que te piras aos 18 para non volver”
Testemuño en 360 Curvas
Sobre aquilo, sobre hoxe e sobre mañá vai o filme.
Imaxe de portada: Ariadna Silva (esquerda) e unha das protestas na Fonsagrada (dereita) // 360 Curvas
Deixa unha resposta