Noelia Gestoso Uzal, exxogadora do Club Bádminton A Estrada, faleceu este mércores aos 26 anos de idade. Especialista nos dobres, conseguiu 24 medallas en campionatos autonómicos, entre eles nove títulos, e dúas medallas en Campionatos de España.
A Federación Galega de Bádminton sinalou en redes sociais que “foi e sempre será parte da familia do bádminton galego, tanto pola súa traxectoria como gran xogadora como pola extraordinaria persoa que era”.
O Club Bádminton A Estrada lembraron que “foron moitos anos formando parte desta familia, compartindo xuntos milleiros de momentos”, sempre “co teu alegre e lindo sorriso alegrándonos cada día”.
Este venres recibirá sepultura en Tabeirós. Será despois do funeral, que terá lugar ás 16.30 horas.
Deixa unha resposta