Este luns faleceu aos 84 anos de idade Antonio Goldar Rodríguez, un dos máximos expoñentes do sector do moble na Estrada. Foi o responsable de Muebles Goldar e un dos promotores da Feira do Moble.
Tamén é coñecido no mundo do fútbol. Socio número 3 do Estradense, foi xogador do club roxillo. De feito, dende o equipo estradense trasladaron o seu pésame a familiares e amigos de Antonio Goldar. “Sempre formará parte da historia do noso club”, sinala o comunicado.
O funeral de Antonio Goldar será este martes ás 20.00 horas na igrexa de Guimarei.
Deixa unha resposta