A asociación A Fervenza de Ouzande retoma o seu programa de roteiros coincidindo co Nadal. Para o 25 de decembro planificaron unha camiñata de 10 quilómetros cunha dificultade baixa polos montes de Ouzande e A Somoza.
Con esta actividade poderáse gozar da paisaxe, da natureza e da conversa amigable á vez que se alixeira a cea de Noiteboa.
Comezará ás 10.00h na Igrexa de Ouzande e rematará tres horas despois no mesmo lugar. O percorrido conta con varios lugares de especial interés, como os muíños de Ouzande, a Fervenza de Ouzande – que contará cunha gran cantidade de auga grazas ás recentes chuvias – ou as construcións tradicionais e os montes autóctonos da Somoza.
A actividade é de balde e só se suspenderá en caso de que as condicións meteorolóxicas impidan a súa celebración. Os participantes deberán ter en conta que parte da camiñata faráse por pistas forestais e a previsión meteorolóxica da xornada e dos días previos.
Deixa unha resposta a Papá Noel xa se deixa ver pola comarca – O Xornal da Estrada Cancelar a resposta