O avance das obras de prolongación da autovía Santiago – A Estrada (AG-59) obriga a pechar na súa totalidade, unha vez máis, o enlace da Ramallosa, onde remata na actualidade a estrada. O peche fíxose este luns e manterase durante seis semanas, tendo que desviarse o tráfico polos Verxeles.
Este novo corte faise para poder traballar no propio enlace. Os labores inclúen a execución de barreiras de seguridade, sinalización vertical, horizontal e balizamento, así como a disposición de aglomerado da capa de rodadura do firme e a terminación de elementos de drenaxe.
Namentres, o tráfico está a ser desviado pola urbanización dos Verxeles. En dirección Santiago isto leva ocorrendo varias semanas por mor dos traballos que se están realizando nun dos viadutos.
Peches temporais na Rúa 56 polo pintado dun mural
Na N-640 estanse facendo cortes puntuais para asfaltar
Imaxe de portada: enlace da Ramallosa // Google Earth
Deixa unha resposta