Santeles celebra esta fin de semana as súas festas na honra da Nosa Señora do Carme e de Santa Bárbara. Serán tanto venres coma sábado.
O venres 28 ás 10.00 horas oficiarase unha misa rezada. Ás 13.00 horas terá lugar unha misa solemne cantada polo Coro de Aguións. A procesión e a sesión vermú correrán a cargo da charanga Xuntanza. Ás 22.30 horas comezará a verbena coa orquestra El Combo Dominicano e a discomóbil Pirámide XL, que contará cos DJ Marcos Kintana e Sergio Telmo.
O sábado 29 oficiaranse misas ás 10.00 e ás 13.00 horas, esta última cantada pola Coral de Paradela. A procesión e a sesión vermú correrán a cargo da Banda de Música Municipal da Estrada. Haberá unha gran tirada de fogos. Ás 22.30 horas comezará a verbena, que contará coa música dos dúos La Gozadera e Súper Combo.
Deixa unha resposta