1179 estradenses decidiron que facer co farol da Farola. Finalmente, por aplastante maioría elixiuse a permanencia nunha ubicación similar. Votación máis axustada foi a de que farol colocar. Nesa elección gañou que continúe a actual.
Resultados dispoñibles debaixo da emisión en directo.
Directo
14.29 | Resultados definitivos:
ELECCIÓN UBICACIÓN:
Opción 1 (estatua Rapa das Bestas): 173
Opción 2 (similar á actual): 820
Opción 3 (nova fonte): 154
Non válidos: 14
ELECCIÓN FAROL:
Opción A (farol orixinal): 453
Opción B (farol actual): 683
Non válidos: 11
14.06 | Piden o regreso da antiga Alameda
Nunha das papeletas da ubicación alguén escribiu “Devolvede a Alameda vella”.
14.00 | A farola manteráse na ubicación actual
Opción 1 (estatua Rapa das Bestas): 169
Opción 2 (actual): 808
Opción 3 (fonte): 154
Blancos e nulos: 14
*Resultados provisionais
13.49 | Estáse facendo reconto da ubicación
13.41 | “Unha veciña cabreada”
Nunha das papeletas púidose ler que “a min dáme igual onde poñas a farola, como se a queres levar para diante da casa. Creo que hai problemas máis importantes”.
13.37 | O reconto, en marcha
13.34 | Un referendo “histórico”
Segundo Louzao, porque poucas veces se levan a cabo iniciativas así, polo que A Estrada foi coñecida a nivel nacional.
13.32 | Louzao agradece ao departamento de Estatística o seu esforzo.
Asegura que quixo que a decisión fose representativa.
13.31 | Vai comezar o reconto
13. 25 |O reconto será na Sala de Xuntas
Comezará en breves
13.22| Votaron 1178 estradenses
13.20 |Pechan as urnas
12.57 | Ás 13.00h deixaránse de dar papeletas.
Para asegurar que os que acodiron dentro da hora poidan exercer o seu dereito a voto.
12.53 | Óscar Durán: “Á unha córtase”
O concelleiro advirte aos votantes de que a partir das 13.00h non se poderá facer mentras a ringleira aumenta de tamaño.
12.32 | O peche das urnas, marcado para as 13.00h
Para esa hora está marcado o inicio do escrutinio.
12.26 | Longas ringleiras para votar
Os estradenses acoden en masa a votar. Para axilizar, Óscar Durán está repartindo as papeletas.
Deixa unha resposta a O Xornal da Estrada presenta novidades coincidindo co seu primeiro aniversario – O Xornal da Estrada Cancelar a resposta