Antes de que Rubén Rosende nunha reportaxe pronunciara iso de que “A Farola é moito máis ca unha farola”, a peonalización desa praza estradense xa formaba parte do debate político polo elemento que lle dá nome de forma oficiosa. Tras este momento chegarían unha manifestación e un referendo para escoller a súa ubicación.
Este domingo 9, ás 19.30 horas, Xornal da Estrada publicará en YouTube o especial A Farola. 1 ano despois no que se repasará como se chegou á votación sobre o farol. Un especial que se publicará coincidindo co aniversario deste feito.
Será unha ampla cronoloxía na que se dará conta do avance do debate político sobre este asunto, ademais dalgunhas anécdotas vencelladas a el, e que comezará coas municipais de 2023 e rematará na actualidade.
Imaxe de portada: farol que dá nome á praza de forma oficiosa // Xornal da Estrada
Deixa unha resposta