Recibiu o 53% dos votos
Este xoves o MOME acolleu a segunda edición dos Premios Rebumbio, que recoñecen as proposta de comunicación local nas redes sociais. Organizados por Actual Comunicación, contaron con 8 categorías diferentes.
O Momento Rebumbio do Ano foi entregado pola propia organización a Patiñas da Estrada. No caso do Estradense do Ano nas Redes, o galardoado saíu dunha votación por parte dos estradenses feita nos días previos.
As restantes seis categorías foron outorgadas por un xurado profesional que, coma na primeira edición, estivo formado por Fran Brea, redactor de La Voz de Galicia Delegación Barbanza, Chus Aldariz, experta en comunicación e directora de Dual Web Media, e Kike Vázquez, técnico de Cultura do Concello da Estrada.
▶ MOMENTO REBUMBIO DO ANO
Patiñas da Estrada
A elección, indican dende Actual Comunicación, obedece tanto á súa actividade constante en redes sociais a prol do coidado e protección dos animais coma, de xeito especial, ao “rebumbio” conseguido coa chamada de auxilio difundida pola protectora no caso da cadela Bombón.
▶ ESTRADENSE DO ANO NAS REDES SOCIAIS
Agadea Alzheimer
A Asociación Galega de Axuda aos Enfermos con Demencia Tipo Azlhéimer ten presenza na Estrada dende fai anos e é a encargada do Centro de Día da localidade.
Gañou co 53% dos 530 votos recibidos. Seguírona:
- Darlle Bolo (13,4%)
- Madeira no Losada (12,8%)
▶ MELLOR USO DO GALEGO NAS REDES
A Riala
▶ MELLOR DIFUSIÓN DE NEGOCIO LOCAL NAS REDES
Pintaletras
▶ MELLOR USO DO HUMOR COMO RECURSO COMUNICATIVO NAS REDES
Un Valo no Castro Loureiro
▶ MELLOR INICIATIVA CULTURAL NAS REDES
Coto Manguelo
▶ MELLOR COMUNICACIÓN DEPORTIVA NAS REDES
Non Vale Furar
▶ MELLOR PROPOSTA EDUCATIVA NAS REDES
David Eyo
Imaxe de portada: premiados nos II Premios Rebumbio
Deixa unha resposta