Gonzalo Louzao, alcalde da Estrada, confirmou esta mañá que, a partir de 2025, poderemos ver o contedor marrón nas rúas da vila, algo que permitiría aforrar varias das toneladas de residuos que se envían a Sogama e, consecuentemente, a factura que se paga por este servizo.
Ao reducirse a cantidade de residuos introducidos no colector verde – moitos deles ao ser orgánicos irían ao marrón – tamén se reaxustará a periocidade de recollida.
Para o rural estánse buscando fórmulas complementarias, pois “funciona doutra maneira” xa que a materia orgánica emprégase para alimentar aos animais ou para aboar os terreos.
Nas aldeas tamén se vai intentar mellorar os colectores. Louzao resaltou que a empresa encargada de recoller o lixo e de manter os contedores amarelos “non fai o servizo que tería que facer”, dando lugar á situación que viven no rural. Ademais, intentaráse colocar máis colectores do lixo polas zonas nas que pasa a recollida.
Noutra orde de asuntos, o mandatario confirmou que o pico de consumo de auga en Codeseda que se producira na ponte festiva do 15 de agosto resolveuse sen sancións, tal e como avanzara ao Xornal da Estrada.
Deixa unha resposta