Unha muller faleceu na mañá deste xoves tras ser atropelada por un camión na Avenida Benito Vigo. O sinistro produciuse preto das 11.00 horas. Segundo informa o 112, a vítima quedou atrapada baixo o vehículo.
Segundo as primeiras informacións, tanto ela coma a súa parella atopábanse cruzando a rúa á altura das oficinas de Facenda, aínda que todo apunta a que non o facían por un paso de peóns. O camión pertencía a unha marca de alimentación. O varón non foi alcanzado pero tivo que ser trasladado ao centro de saúde tras verse moi afectado polos feitos.
Ata o punto trasladáronse efectivos do 061, Bombeiros do Deza, Emerxencias A Estrada e da Policía Local. En pouco tempo o persoal de emerxencias comunicou ao 112 o pasamento da muller.
Imaxe de portada: ambulancias no punto do atropelo // cedida
Deixa unha resposta