Pasadas as 13.00 horas deste domingo dous ciclistas do Club Ciclista Xesteiras resultaron feridos ao bater cun cohe que cruzaba a EP-7001 (estrada a Forcarei) ao seu paso por Tabeirós. Presumiblemente, o condutor do vehículo non viu os ciclistas antes de comezar a cruzar a estrada.
O accidente tivo lugar na glorieta partida que dá acceso ao núcleo do Outeiriño, preto de onde comeza o treito de tres carrís. Un dos feridos rompeu un dos cristais do coche coa cabeza.
Ao punto desprazáronse efectivos de Emerxencias A Estrada, Policía Local da Estrada e Garda Civil.
Unha falecida e seis feridos en catro días
Así remata unha semana negra nas estradas estradenses. O pasado xoves unha muller faleceu tras ser atropelada por un camión cando cruzaba a Avenida Benito Vigo por fóra dun paso de peóns.
Falece unha muller tras ser atropelada por un camión en Benito Vigo
Quedou atrapada debaixo do vehículo
Ademais, este sábado outras catro persoas resultaron feridas nunha colisión por alcance en Loimil, na N-550. A elas súmanse os dous ciclistas feridos este domingo.
Imaxe de portada: zona do sinistro // Google Street View
Deixa unha resposta