Dende hai varias semanas os traballos de mantemento, conservación e mellora da seguridade viaria chegaron á PO-841. Este xoves as obras concentráronse nas rotondas coas que conta a vila da Estrada.
A primeira parte dos traballos concentrouse dende principios de mes no treito comprendido entre Santa Cristina de Vea e o polígono de Toedo. En concreto, os labores consisten na mellora da capa de rodaxe, a aplicación de slurry — un produto asfáltico que se dispensa na capa superficial para gañar adherencia — e a renovaciñon da sinalización horizontal mediante tarefas de pintado.
As obras contratounas a Xunta de Galicia a través da Axencia de
Infraestruturas de Galicia por ser unha estrada de titularidade autonómica.
Imaxe de portada: traballos nunha das rotondas da PO-841 // Concello da Estrada
Deixa unha resposta