O departamento de Servizos Sociais do Concello da Estrada abre luns o prazo de inscrición na terceira quenda da actividade de piscina para maiores. O prazo de inscrición irá do luns 7 ao martes 15 de setembro, ambos incluídos. Para poder participar é necesario estar empadroado no municipio da Estrada e ter máis de 50 anos. As solicitudes presentaranse no departamento de Servizos Sociais de 9.00 a 14.00 horas ou a través da Sede Electrónica.
A actividade desenvolverase do 2 de outubro ao 30 de decembro de 2026. Haberá seis grupos diferentes: os luns de 9.15 a 10.00 horas, de 16.30 a 17.15 horas e de 19.30 a 20.15 horas, os mércores de 9.15 a 10.00 horas ou os venres de 9.00 a 9.45 horas e de 9.45 a 10.30 horas. Cada sesión contará con entre 7 e 12 participantes. As solicitudes están dispoñibles na web do Concello.
Deixa unha resposta