O Obradoiro de Emprego A Estrada Emprega Foresta está limpando esta semana as beirarrúas do polígono de Toedo. Os traballos terán continuidade pola contorna da central de Emerxencias A Estrada.
Os traballos combinan medios mecánicos e manuais. Estanse a facer rozas intensivas e limpezas manuais para extraer de raíz as plantas arbustivas. Unha vez se fai, empregan cepillos para eliminar toda a terra que queda na superficie das beirarrúas. Durante a limpeza mecánica estanse empregando pantallas para evitar que algún material que salte durante a roza poida afectar a vehículos.
A actuación inclúe ás rotondas do polígono. Unha vez rematadas as actuacións nesas zonas, os traballos trasladaranse á contorna de Emerxencias A Estrada. Alí os traballos centraranse na limpeza vexetal e na roza.
Imaxe de portada: limpeza do polígono // Concello da Estrada
Deixa unha resposta