Chámase Álex, ten 9 anos e estuda no CEIP de Figueiroa. Cando fixo a súa Primeira Comuñón, atopouse co alcalde nas festas de Tabeirós e manifestoulle o seu descontento porque o pasado Nadal non se colocara unha árbore na praza do Concello. Louzao prometeulle colocala, pero cunha condición: que el fora quen acendera o alumeado de Nadal.
E así foi como, Álex, un rapaz de 9 anos que estuda no CEIP de Figueiroa, premeu este xoves o botón que iluminou gran parte das rúas da Estrada coa maxia do Nadal ante unha praza do Concello ateigada de rapaces, nais, pais e outros estradenses que quixeron compartir o momento.
Revive o momento
Deixa unha resposta