O vaso grande das piscinas municipais tivo que ser pechado este martes por mor da rotura dunha condución. A primeira hora da mañá detectouse un consumo de auga anómalo na Zona Deportiva, polo que a maquinaria púxose en marcha para atopar o punto en que se produciu.
Como a tubaxe afectada atopábase varios metros por debaixo do nivel do chan, tívose que baleirar o vaso grande. A fuga de auga produciuse nunha das conducións, sen que se vira afectada a infraestrutura do vaso principal, que non tiña nin fisuras nin ningún tipo de dano.
Durante a xornada deste mércores farase unha comprobación do funcionamento da instalación. Deste xeito, irase recuperando progresivamente o nivel da auga paa verificar que non existe outra incidencia. De ir todo correctamente, encherase de todo o vaso para retomar o antes posible o seu uso.
Debido a esta situación, decidiuse permitir o acceso gratuíto ao recinto mentres dure o peche do vaso principal. O baño só está permitido nos vasos mediano e pequeno.
Cómpre destacar que esta situación prodúcese nun momento no que a outra instalación de baño municipal, a praia de Liñares, tampouco se atopa operativa na súa totalidade. Dende este luns estanse instalando as comportas que servirán para encorar a auga. A previsión do goberno municipal é que estan listas de cara a vindeira fin de semana. Polo de agora, pódese desfrutar do baño, mais a auga non ten a altura habitual.
Imaxe de portada: traballos de búsqueda do punto de fuga da auga // Concello da Estrada
Deixa unha resposta