A Banda de Música Municipal da Estrada abriu o prazo de reserva de matrícula na Escola de Música da Banda para o curso 2026/2027. O prazo para facelo remata o vindeiro mércores 15.
As especialidades que se impartirán en clases individuais son óboe, frauta traveseira, clarinete, saxofón, trompa, trompeta, trombón, bombardino, tuba e percusión. Será o propio alumno o que elixa o instrumento no que especializarse.
Para iniciarse no mundo da música sen que supoña un custo para os pais, os máis cativos (a partir dos 3 anos) poderán asistir ás clases de Música e Movemento. A banda tentará pór a disposición dos máis pequenos unha serie de instrumentos que lles permita familiarizarse cos que elixirán.
Asemade, na escola tamén se ofrece a posibilidade de clases en conxunto de solfexo, e de participar nas súas agrupacións mais novas, a Banda Infantil e a Banda Escola.
O formulario de preinscripción pódese solicitar por WhatsApp no teléfono 623 350 731 ou no correo electrónico bandamunicipaldaestrada@gmail.com.
Noutra orde das cousas, dende a Banda Municipal da Estrada aproveitaron a ocasión para agradecer ás comisións de festa pola confianza depositada neles. Ao longo do ano teñen contratadas máis dunha trintena de actuacións.
Deixa unha resposta